Владините министри од партиска трибина го најавија редовното зголемување на пензиите

Добивај вести на Viber

Долгорочна опција која нуди системски мерки за подобар живот на пензионерите и друга која  е краткорочна и нуди два бесплатни ручеци и две бесплатни патувања со автибус им понуди денеска министерот за финасии Зоран Ставрески на пензионерите од Карпош и додаде дека  изборот за одлуката останува на нив. –Пензиите во времето на Црвенковски се исплаќаа во три групи и каснеа со исплата по еден месец. Така се случуваше пензионерите наместо 12 да земат 11 или 10 и пол пензии. Тоа пензионерите не треба да го заборават, истакна Ставрески и им вети на пензионерите дека ќе се труди тие навреме да ги добиваат пензиите, на седми или секоја прва недела во месецот. Од друга страна пак министерот Ристоски, денеска на трибина со пенизонерите истакна дека Македонија е единствена земја која успеала да ги зголеми пензиите и во време на криза. –Ние постојано редовно ги исплаќаме пензиите и го исполнуваме ветеното. Рековме дека ќе ги покачиме пензиите за 5 отсто, тоа и го направивме. Во април ќе има уште едно покачување од 1,15 отсто, со цел нивно усогласување со трошоците за живот. Така заедно со претходното зголемување од 5 отсто до јуни ќе имаме кумулативно зголемување на пензиите од 6,15 отсто, објасни министерот Ристоски.