Во април зголемени трошоците за живот

Добивај вести на Viber

Според податоците на Државниот завод за статистика, индексот на трошоците на животот во април 2016  година, во однос на претходниот месец, изнесува 100.1, а индексот на цените на мало 100.5.

Порастот на индексот на трошоците на животот од 0.1% во април 2016 година, во споредба со претходниот месец, е резултат на повисоките индекси на свежото и разладеното овошје за 4.8%, сушениот зеленчук, друг  конзервиран и преработен зеленчук за 1.4%, алкохолните пијалаци за 0.4%, изнутриците, свежата и разладена риба за 0.3% и замрзнатиот зеленчук, освен компирот, за 0.2%.  Во април, исто така, пораст на индексите на трошоците на животот е забележан и кај течните горива и мазива за домаќинствата за 5.5%, патниот сообраќај за 4.9%, течните горива за домаќинствата за 4.4%, туристичките  аранжмани и социјалната заштита за 3.7%, услугите за одржување и поправка на станот за 3.5%, обувките за 3.1%, велосипедите за 2.4%, авионскиот превоз на патници за 1.8%, другите услуги за опрема за сопствен  превоз за 1.5%, алатите и опремата за куќи и градини за 1.2%, гасот за домаќинствата за 0.9%, цврстите горива  за домаќинствата за 0.4%, накитот и часовниците за 0.3% и текстилот за домаќинствата за 0.2%.  Намалување на индексот на трошоците на животот во април 2016 година, во споредба со претходниот месец,  е забележано кај свежиот и разладен зеленчук, освен компирот, за 6.3%, маслото и маснотиите за 2.4%, другите прехранбени производи за 1.4%, оризот за 1.3%, месото за 0.5%, брашното и другите житарици,  сушеното, соленото и чаденото месо и другите преработки од месо за 0.4%, млекото, сирењата и јајцата за  0.3% и лебот, другите пекарски производи, шеќерот, џемот, медот, чоколадата и кондиторските производи за  0.2%.