Во Црна Гора две жени заразени со коронавирус
Објавено во: Балкан, Корона Вирус 17 Март, 2020
Црна Гора ги регистрираше првите случаи со коронавирус.
Потврдени се првите случаи со коронавирус, соопшти премиерот Душко Марковиќ и порача дека нема место за паника.
„Станува збор за две жени, родени 1948 и 1973 година. И двете во претходниот период биле во подрачја погодени од епидемијата“, истакна Марковиќ.
Според него, Црна Гора е земја која има најмногу тестирања во регионот.
„Една пациентка дошла од САД, и тоа пред 12 дена, друга од Шпанија и била под надзор“, посочи Марковиќ.
Во сите други балкански земји бројот на заразени е поголем и постојано расте.