18 Февруари, 2019
0.3616
    ALK 8270.19    0.24%     BESK 9001    -0.13%     GRNT 815.38    0.18%     KMB 5381.26    0.03%     MKSD 196.29    1.98%     MPT 51400.09    0.2%     MTUR 5100    0.01%     OHB 6651    0.02%     RMDEN15 97    0%     RMDEN17 98.2    0%     RZEK 30    0%     RZIT 20    0%     RZLV 102    -2.86%     RZTK 503    4.57%     SBT 2281.83    -0.01%     STB 1230    -0.81%     STIL 122    0%     TEL 310    0.28%     TETE 2290    4.09%     TKVS 5254.57    -0.86%     TNB 15300.44    0.46%     TTK 1380.02    -2.13%     UNI 2220    0.43%     ZILU 246    0.04%

Во каква состојба е банката што ќе биде купена од „Комерцијална“

Објавено во: Економија 10 Август, 2018

„Комерцијална банка“ ќе учествува во купување банка која има акумулирана загуба од 33,2 милиони долари, ланската година ја завршила со добивка од 625.000 долари, има депозитна база од околу 550 милиони долари и кредитни пласмани кои надминуваат 450 милиони долари спрема банки и коминтенти. Лани нето приходите од камати и провизии биле помали од 19 милиони евра, а за плати на 439 вработени трошокот е 5,7 милиони долари

„Комерцијална банка“ најави дека ќе учествува во купување на албанската банка „Тирана Банк“ заедно со групацијата „Балфин Груп“. „Тирана Банк“ е прва приватна банка основана во Албанија во 1996 година. Доминантен акционер на оваа банка е грчката „Пиреус банка“ која всушност и ќе биде продавач на акциите на новите сопственици. Од „Комерцијална банка“ соопштија дека продажбата ќе се реализира преку трансакција откако ќе биде одобрена од регулаторните тела на двете држави.

Што всушност ќе купи „Комерцијална банка“?

Од извештајот на независната ревизија на „Делоит Албанија“ направена во мај годинава се гледа дека „Тирана Банк“ има акумулирана загуба од 33,2 милиони долари заклучно со крајот на 2017 година. Од достапните податоци се гледа дека „Комерцијална банка“ ќе учествува во купување на значајно помала банка во соседната држава. Лани „Тирана Банк“ завршила со добивка од 4,7 милиони долари. Тоа во споредба со 2016 година е солиден прогрес затоа што преклани „Тирана банк“ завршила со загуба од 4,7 милиони евра.

Податоците за клучните приходи покажуваат дека лани „Тирана банк“ имала нето приходи од камати и од надоместоци вкупно 18,83 милиони долари. Имено, лани од камати банката има приход од 17 милиони долари и тие бележат пад од 3 милиони долари во споредба со 2016 година. Нето приходите од камати изнесуваат 15,2 милиони долари и тие се за 1,5 милиони долари односно за 10 отсто пониски од 2016 година. Кај провизиите трендот бил растечки. Бруто приходот од провизии и надоместоци е 3,82 милиони долари и бележи раст од 45.000 долари во однос на 2016 година. Нето приходот од провизии и надоместоци е 3,63 милиони долари и бележи раст од 27.000 евра во однос на претходната година. Најголеми расходни ставки се: останатите оперативни трошоци и трошокот за вработени. Првата ставка носи 8,5 милиони долари, а втората 5,7 милиони долари. Трошоците во однос на двете ставки растат во однос на 2016 година. И кај двете растот е за по околу 900.000 долари.

Депозитната база на „Тирана банк“ е околу 550 милиони долари и во однос на 2016 година е намалена за над 23 милиони долари. На другата страна заемите дадени на банките биле на ниво од 239 милиони долари што е раст за околу 37 милиони долари во споредба со 2016 година. Заемите кон коминтентите на крај на 2017 година се на ниво од 24,04 милиони долари и тие бележат раст од 10,8 милиони долари. Повеќе информации на следниот линк https://www.tiranabank.al/english/media/1530778710IFRS-ENG.pdf

Која е „Пиреус банк“, сегашниот сопственик на „Тирана банк“?

„Пиреус“ е втора по голема банкарска групација во Грција, а значајна е и во нашиот регион затоа што со свои банки е присутна во пет држави. Оваа банкарска групација во Грција има 620 филијали, а во земјите од регионот во кои работи има уште 133 филијали. На ниво на групација „Пиреус“ прави рационализација која значи намалување на број на работни места, намалување на број на филијали, а во случај и продажба на банката во Тирана. Лани „Пиреус“ го намалил бројот на вработени за 2.960 лица на ниво на групација во однос на 2016 година и 2017 година ја завршил со 15.115 вработени. Во „Тирана Банк“ лани работеле 439 вработени односно 7 повеќе од 2016 година. „Тирана банк“ има 39 филијали во Албанија. „Пиреус“ поседува 98,8 отсто од акциите во „Тирана Банк“.

Р.Ф.

Можеби ќе ве интересира

Претплатници можат да побараат да им се измери брзината на интернетот

Претплатници можат да побараат да им се измери брзината на интернетот

Производителите на јаболки го блокираа патот Битола-Ресен

Производителите на јаболки го блокираа патот Битола-Ресен

До крајот на годината трговски претставништва во три земји

До крајот на годината трговски претставништва во три земји

Какви новини најавува Тевдовски за угостителите и обложувалниците

Какви новини најавува Тевдовски за угостителите и обложувалниците

(ФОТО) Анѓушев седна во „фиќо“

(ФОТО) Анѓушев седна во „фиќо“

„Минималци“ во Европа: Во Швајцарија убедливо најголем, најнизок во екс-советските земји

„Минималци“ во Европа: Во Швајцарија убедливо најголем, најнизок во екс-советските земји

МВР, култура и образование „победници“ во истражување за тендери

МВР, култура и образование „победници“ во истражување за тендери

Германија за влакно избегна рецесија

Германија за влакно избегна рецесија

Можен скок на цените на станови, на градежниците им е малку градење во Скопје

Можен скок на цените на станови, на градежниците им е малку градење во Скопје