Во Кина се гради најголемата зграда на светот

Добивај вести на Viber

Во Кина наскоро би можела да биде изградена највисоката зграда во светот. Комплексот во Вухан, не само што ќе биде архитектонско чудо, туку ќе има и еколошката функција.

Лондонската архитектонска фирма „Četvuds“ го објави прелиминарниот дизајн на „Феникс кулата“ во кинескиот град Вухан. Комплексот се состои од два облакодери, од кои едниот би достигнал висина од 1000 метри и би била највисоката зграда во светот.

Но  овој прекрасен облакодер во Вухан, не само што на Бурџ Калиф, 827 метри високата кула, која е гордост на Дубаи, ќе и го земе престолот туку ќе претставува еден вид на еколошки револуција во градежната индустрија, имајќи предвид дека архитектите планираат „Феникс кулата“ да го филтрира воздухот како и водата од околното загаденио езеро.

Во комплексот е планиран механички систем кој ке ја акумулира сончевата енергија, водородот и енергијата на ветерот. Зградите, исто така  ќе ја собираат дождовницата и ќе има голема вертикална градина.

„Ако се појавите во Кина со малку луда идеја, излегува дека таа не е доволно луда. Тие сакаа да се огледаат на Ајфеловата кула и да одат чекор понапред. Зградата не треба само да стои таму и да биде нов симбол на Вухан, туку треба да извршува важна работа“, велат авторите на проектот од „Četvuds“ бирото.

Дизајнот е, како што велат, инспириран од парот птици - Феникс во кинеската митологија - повисоката кулата ќе го претставува мажот, а пониската жената. Изградбата на комплексот може да почне следната година, ако градските власти им дадат „зелено светло“ за проектот.

Се проценува дека за имплементацијата  на „Феникс кулата“ ќе трае најмалку три години, а ќе чини околу две милијарди долари.