Во кој правец ќе тргнат банкарите по Брегзит?
Објавено во: Економија 23 Април, 2017
Остануваат барем две години до Брегзит, но масовно преместување на работни места веќе започна, пишува Bloomberg во свој материјал за тоа каде ќе се насочат банкарите по излегувањето на Велика Британија од Европската унија (ЕУ).
Во очекување на ограничувања за слободно движење на Велика Британија во ЕУ банките веќе почнаа да повлекуваат дел од вработените од кралството. Прашањето е колку точно ќе го напуштат Островот и каде ќе одат.
Извештај на главната лоби група на финансискиот сектор „TheCityUK“ прогнозира дека 70 илјади работни места во финансискиот сектор се под ризик, иако оценките варираат во голема мера.
Последиците за Велика Британија можат да бидат значителни - финансискиот сектор и сродни услуги носат 190 милијарди фунти (240 милијарди долари) годишно, што претставува 12% од британската економија.
Сметките до овој момент покажуваат дека од 16 илјади службеници во Велика Британија американската банка JP Morgan го објави преместувањето на 4 илјади.
Швајцарската UBS ги најави своите намери да премести 1.500 лица од вкупно 5 илјади во кралството. Американската Goldman Sachs ги открива плановите за преместување на 1.000 работни места од вкупно 6 илјади во Велика Британија. Двете банки го избрале за тоа Франкфурт.
Британската HSBS пресели во Париз 1000 работни места, а Barclays најави дека 150 вработени одат во Даблин.
Можеби ќе ве интересира
ВО ГЕРМАНИЈА СЀ ПОВЕЌЕ СЕ ЧУВСТВУВААТ ПОСЛЕДИЦИТЕ ОД КРИЗАТА: Пристигна загрижувачка оценка
НАЦИОНАЛНО БИРО ЗА ОСИГУРУВАЊЕ: Цената на авто осигурувањето е непроменета од 2008 година, реално е покачувањето
CGTN-GLOBAL SOUTH VOICES: „Прекумерен капацитет или страв од подемот на Кина?“
ПОРАЗИТЕЛНО: Приближно 70 отсто од фабриките во Русија се соочуваат со недостиг на работници
Бугарскиот „Флекс Кредит“ ќе врти кај должници и ќе бара наплата за компании
„Алкалоид“ добитник на „Патент на годината за 2023“ за иновативниот „Омепразол“ во течна форма
Трендафилов: Газдите пријавуваа исчезнување на Непалките зошто им го платија патот до тука
Кина има за цел да склучи повеќе договори за слободна трговија, ветувајќи зголемена отвореност
НАЈГОЛЕМИТЕ ЕКОНОМИИ ГИ ПОДБРАА БОГАТАШИТЕ: Милијардерите да плаќаат даноци за да ја надоместат штетата на светот
