ВО КРИТИЧЕН ПЕРИОД БЕШЕ ВО МАКЕДОНИЈА - Кристофер Хил нов амбасадор на САД во Србија, потврди Американскиот сенат

Добивај вести на Viber

Американскиот Сенат потврди дека Кристофер Хил е новиот американски амбасадор во Србија.

Ова беше објавено на Твитер профилот на Демократското мнозинство во американскиот Сенат, каде истовремено беше потврдено именувањето на уште неколку американски амбасадори. На 15 октомври минатата година, американскиот претседател Џозеф Бајден го номинираше Кристофер Хил за нов американски амбасадор во Србија.

Кристофер Хил ќе го замени Ентони Годфри, кој е во Белград од ноември 2019 година, како амбасадор во Србија.

Хил, како што пишуваат и српските медиуми, бил амбасадор во Ирак, Кореја, Полска и Македонија. 

На српската јавност и е познат како специјален пратеник на САД за Косово во дипломатските обиди кои завршија со преговорите во Рамбује. Во биографијата на Кристофер Хил стои дека тој е дипломат од кариера, член на Службата за надворешни работи. Хил е професор на Катедрата за меѓународни и јавни односи на Универзитетот Колумбија.

Роден е во Париз на 10 август 1952 година, а како дете патувал и живеел со семејството низ светот.

Оженет е со учителката Џулија Ен Ричек, родена во Флорида, со која има три возрасни деца, син и две ќерки - Натаниел, Амелија и Клара. Зборува српски, полски, македонски и француски јазик. Тој е дипломат од кариера.

Извор: српски медиуми