ВО МАКЕДОНИЈА ИМАМЕ ПОВЕЌЕ НЕВРАБОТЕНИ ОТКОЛКУ ВО ХРВАТСКА - во „морската“ држава сѐ повеќе се бараат работници

Добивај вести на Viber

Нашата држава, иако е помала, има поголем број на невработени од Хрватска. 

Дел од хрватските медиуми објавија дека во таа држава се евидентирани на крајот на март годинава 96 илјади невработени лица. 

Кај нас, пак, на крајот на март работа барале над 101 илјада според завосот за статистика, и над 105 илјади лица според Агенцијата за вработување. 

Хрватски Пословни.хр потсетува дека во 2016 година во таа држава имала 270.000 невработени, но уште тогаш работодавците барале да се увезат 15.000 работници. Хрватското Министерство за труд и пензиски систем тогаш ова го сметале за нездраворазумско барање, иако тоа беше година во која бројот на невработени и бројот на луѓе кои се на берзата континуирано подолго од две години, веќе видно се намалуваше.

Во меѓувреме, многу работи се променија, пишува медиумот, поради заминувањето на работоспособните во другите земји од ЕУ поради подобри плати, поради пензионирањето, но и поради поголемата економска активност и понудата на работни места во Хрватска. Тоа го покажуваат и податоците на Националното биро за статистика (ДЗС) за активноста на населението, од кои евидентно е дека паралелно со падот на вкупната невработеност, уште повеќе се намалува и бројот на долгорочно невработени.

За првиот квартал од годинава ДЗС бележи рекордно низок број на невработени граѓани во Хрватска, вкупно 96 илјади, а бројот на оние кои бараат работа подолго од 24 месеци останува на 15 илјади. За илустрација, во споменатата 2016 година, во првиот квартал имало вкупно 280.000 невработени, а секој трет, вкупно 91.000, бил невработен повеќе од две години.

А, ако во Хрватска имало 96 илјади невработени лица, која е многу поголема држава од нашата, односно според последниот попис имала близу 3,9 милиони број на жители, интересно е дека кај нас е поголем бројот на невработените, а имаме според последниот попис околу 1,8 милиони жители.

Односно, според македонскиот Државен завод за статистика, во земјава се вкупно невработени 101.558 лица. 

Иако е факт дека и во нашата држава постојано се намалува бројот на граѓаните што бараат работа. 

Нашата Агенција за вработување има малку поинакви бројки од тие на Заводот за статистика. 

Според тие податоци, веќе во април тој број дошол до 103.767 лица, што е значајно намалување во однос на претходниот месец. 

А, токму во тој текст констатиравме дека бројката се намалува бидејќи нашите млади се иселуваат во странски држави, меѓу кои и Хрватска.

Н.Н.Ф.