ВО ОВИЕ ДРЖАВИ ЛУЃЕТО НАЈМАЛКУ РАБОТАТ, НАЈМНОГУ УЖИВААТ И НАЈДОЛГО ЖИВЕАТ: Повозрасните работници имаат до 36 дена платен одмор

Добивај вести на Viber

Параметрите земени предвид од истражувањето за квалитетот на животот на Универзитетот Оксфорд при рангирањето на земјите го вклучуваат просечниот број на работни часови неделно, должината на годишниот одмор, процентот на жители кои имаат непречен ноќен сон, очекуваниот животен век и чувството на среќа на испитаниците во секоја земја која е вклучена во истражувањето.

Врз основа на дадените критериуми, Луксембург е на врвот, меѓу другото, благодарение на системот во кој работодавците ги наградуваат вработените со поголем годишен одмор колку што се повозрасни. Работниците над 55 години во оваа земја имаат просечно 36 дена платен годишен одмор.

Австрија и Данска, кои го заземаат второто и третото место, на работниците им даваат минимум 25 дена платен одмор годишно. Ова е целата топ 10 листа на земји чии жители очигледно најмногу уживаат во животот:

- Луксембург

- Австрија

- Данска

- Норвешка

- Финска

- Шведска

- Франција

- Белорусија

- Холандија

- Швајцарија

Британија е рангирана на 17-тото место благодарение на разумното просечно работно време од 36 часа неделно, релативно високиот животен век од 81,2 години, а повеќе од половина од испитаниците исто така изјавиле дека во просек спиеле 7,5 часа навечер, што е добр резултат.

Интересно е што Соединетите Американски Држави се нашле на 87. место, меѓу другото и затоа што на работниците воопшто не им се гарантирани деновите за платени одмори, а дел од населението е незадоволно од квалитетот на сонот во текот на ноќта.

Од друга страна, Кина, Мексико и Малезија се исклучително лошо рангирани, бидејќи во сите три земји просечното работно време е 46 часа неделно. Иако работното време е значително подолго, и би се очекувало вработените да добијат повеќе слободно време, тоа воопшто не е така. Во Кина вработените добиваат само 5 дена годишен одмор, во Мексико 6, а во Малезија 8.