Во пет македонски градови се почувствувани земјотреси
Објавено во: Македонија 31 Јули, 2019
Во пет македонски општини денеска се почувствувани земјотреси.
Телеметриската сеизмолошка мрежа на Република Македонија, со станици во Скопје, Валандово, Охрид, Штип и Пехчево, одржувана од Сеизмолошката опсерваторија при Природно-математичкиот факултет во Скопје, денеска регистрира серија од земјотреси чии епицентри се наоѓаат на 150 km јужно од Скопје во соседна Албанија и потекнуваат од епицентралното подрачје Корча.
Најсилниот земјотресот во 16 часот и 21 минути со локална Рихтерова магнитуда ML4.4, е почувствуван од населението во Охрид, Струга и Ресен со интензитет од III-IV степени според Европската макросеизмичка скала.
Во Битола, Гевгелија и околината земјотресот е почувствуван со интензитет од III степени.