20 Јуни, 2024
0.0427

Во што ќе се претвори родната куќа на Хитлер?

Објавено во: Свет 25 Мај, 2023

Добивај вести на Viber

Австриските власти одлучија што ќе прават со родната куќа на Хитлер.

Родната куќа на Адолф Хитлер во австриското гратче Браунау ам Ин ќе биде полициска станица и образовен центар каде идните полицајци ќе бидат подучувани на темата човекови права, јавуваат денес австриските и германските медиуми. Уредувањето на зградата и пренамената во полициска станица би требало да почне есенва и да заврши во 2025 година. Тоа ќе чини 20 милиони евра. Комисијата драстичниот пораст на цената со почетно проценетите пет милиони евра го објаснила со порастот на цените по пандемијата и дополнителните градежни зафати кои ги бара полициската станица.

„Уривање или музеј не доаѓа предвид. Полициска станица и образовен центар за полицајци е соодветна намена која ја покрива моралната, политичката и правната димензија на ова место“, изјави историчарот Оливер Ратколб. 

Тој од експертската комисија која се занимавала со прашањето за намената на зградата во која во 1889 година бил роден идниот германски диктатор Адолф Хитлер.

Хитлер со своето семејство таму живеел само неколку месеци по раѓањето. Зградата во центарот на Браунау ам Ин, кое се наоѓа на самата граница со Германија, од 2017 година е во сопственост на државата.

Куќата ѝ била одземеа на претходната сопственичка по повеќето неуспешни обиди за откуп. Национализацијата на зградата, како што беше тогаш соопштено, требаше да спречи зградата да стане место на собирање на неонацистите. Со години во зградата се наоѓал центар за лица со посебни потреби. На крајот на судскиот процес поранешната сопственичка сепак се согласила на откупна цена од 1,5 милиони евра.

Одлуката во родната куќа на Адолф Хитлер да се сместат полициска станица и центар за обука на полицајци наиде на критики во јавноста. Во едно истражување на јавното мислење повеќето анкетирани сакале во куќата да се отвори некаков вид на меморијален центар кој би се соочувал со темата на националсоцијализмот. Четвртина од анкетираните се изјасниле дека зградата треба да се урне.

Комисијата го отфрлила уривањето како варијанта објаснувајќи дека таквиот чин во светот би можел да се протолкува како „бегање на Австрија од сопствената одговорност“.

„Куќата ќе стане дом за најбројната австриска институција за заштита на човековите права, а тоа е полицијата“, кажа членот на комисијата Херман Фајнер за ОРФ.

Според мислењето на членовите на комисијата, решението за стационирање и школување полицајци има и „безбедносен аспект“ сметајќи дека пред полициска станица нема да се собираат следбениците на нацистичкиот диктатор.

Каменот со натписот „За мир, слобода и демократија – никогаш повеќе фашизам – милионите мртви предупредуваат“ треба да остане на истото место и по пренаменувањето. Во минатото имаше обиди да се докаже дека Хитлер не бил роден во Браунау, туку од другата страна на реката во германското гратче Симбах ам Ин каде таткото на Хитлер Алојз работел како царински службеник. Еден германски историчар тврдеше дека има докази дека Хитлер бил роден во Симбах каде неговата мајка на својот сопруг му носела вечера на работното место.

foto EPA

Можеби ќе ве интересира

„ДВАЈЦАТА СЕ ЧУДНА ДВОЈКА, ЕДНИОТ Е БУЦКАСТ И НАСМЕАН, ДРУГИОТ МНОГУ СЕ МУРТИ“: Аналитичарот на „Гардијан“ за односите меѓу Путин и Ким Јонг Ун

„ДВАЈЦАТА СЕ ЧУДНА ДВОЈКА, ЕДНИОТ Е БУЦКАСТ И НАСМЕАН, ДРУГИОТ МНОГУ СЕ МУРТИ“: Аналитичарот на „Гардијан“ за односите меѓу Путин и Ким Јонг Ун

Пекол во Саудиска Арабија: Над 500 мртви аџии во Мека, температури достигнуваат и до 52 степени

Пекол во Саудиска Арабија: Над 500 мртви аџии во Мека, температури достигнуваат и до 52 степени

ВЕТУВАЊЕТО „СВЕТ БЕЗ НУКЛЕАРНО ОРУЖЈЕ“ ЌЕ ПОЧЕКА: Новиот извештај покажува колку инвестирале земјите во „оружјето на смртта“

ВЕТУВАЊЕТО „СВЕТ БЕЗ НУКЛЕАРНО ОРУЖЈЕ“ ЌЕ ПОЧЕКА: Новиот извештај покажува колку инвестирале земјите во „оружјето на смртта“

БРАК СО АМЕРИКАНЦИ: Шанса за илегалните имигранти да добијат американско државјанство

БРАК СО АМЕРИКАНЦИ: Шанса за илегалните имигранти да добијат американско државјанство

МЛАДИТЕ ГЕРМАНЦИ ИМААТ СЕРИОЗЕН ПРОБЛЕМ: Скоро половина се пожалиле

МЛАДИТЕ ГЕРМАНЦИ ИМААТ СЕРИОЗЕН ПРОБЛЕМ: Скоро половина се пожалиле

БРИКС СЕ ШИРИ: Уште една земја се спрема да се приклучи

БРИКС СЕ ШИРИ: Уште една земја се спрема да се приклучи

ТРАГЕДИЈА ВО ЕКВАДОР: седум лица загинаа при лизгање на земјиште по обилните дождови

ТРАГЕДИЈА ВО ЕКВАДОР: седум лица загинаа при лизгање на земјиште по обилните дождови

Зошто европските лидери го одложија договорот за највисоките позиции во ЕУ

Зошто европските лидери го одложија договорот за највисоките позиции во ЕУ

ПОЗНАТИОТ ГИГАНТ ЗА БЕБЕШКА КОЗМЕТИКА ПРИЗНА: Производот предизвикува сериозни болести

ПОЗНАТИОТ ГИГАНТ ЗА БЕБЕШКА КОЗМЕТИКА ПРИЗНА: Производот предизвикува сериозни болести