Во Швајцарија 1 милион лица живеат во сиромаштија

Добивај вести на Viber

Во Швајцарија околу еден милион луѓе се погодени од сиромаштија, се наведува во извештајот на швајцарската организација „Каритас“, кој беше објавен во пресрет на утрешниот меѓународниот Ден на борба против сиромаштијата. „Во Швајцарија бројот на социјално загрозени варира од кантон до кантон, но и критериумите според кои се одредува границата на сиримаштија, што е неприфатливо“, се наведува во извештајот на организацијата, каде се бара и социјално загрозените лица да бидат заштитени од практиката на исклучување од пазарот на трудот. Во борбата против сиромаштијата мора да се вклучи државата на сите нивоа, а помошта на најзагрозените мора да биде усогласена во сите кантони врз основа на федерален закон за вклучување на социјално загрозените на пазарот на труд на што моментално работи федерален совет и кој треба да биде даден на разгледување кон крајот на годината, истакнува швајцарскиот весник „24часа“. Каритас од федералниот совет побара да изработи извештај за сиромаштијата и бројот на социјално загрозени во земјата.