Во тетовски Требош од кокошкино ѓубриво ќе се произведува зелена енергија
Објавено во: Македонија 13 Август, 2013
„Со оваа инвестиција Македонија претставува еден вид лидер во оваа област во регонот бидејќи производството на алтернативна енергија е поттикнато со потпишување на договори за изградба на 70 мали хидроцентрали, како и почетокот на изградбата на сончевата централа Мери, која чини околу 40 милиони евра“, изјави за време на поставувањето на темелите министерот за економија Ваљон Сарачини.
Според министерот за животна средина и просторно планирање Абдулаќим Адеми инвестицијата на Везе шари за гасна електроцентрала се совпаѓа со планот и стратегијата на државата што предвидува дека 23 отсто од потребите за енергија треба да се обезбедат од обновливи изворо што истовремено ќе придонесе и во намалувањето на емисијата на јаглерод моноксид во атмосферата.
Новата гасна електроцентрала треба да биде готова до половината на следната година.