Во Велес се бараат директори, ама не може да се најдат

Добивај вести на Viber

Градоначалникот на Велес, Аце Коцевски, се пожали на високите критериуми порадфи кои не може да се избере директор за новото училиште „Панко Брашнаров“ кое настана со спојување на старите „Јордан Хаџи Константинов-Џинот“ и „Благој Кирков“ во еден правен субјект. 

Коцевски вели дека на дузина  културни, образовни и други јавни инститиции во Велес им  истекува мандатот на сегашните директори и наскоро треба се именуваат нови, но истовремено проблем претставува обезбедување квалификуван стручен кадар кој ќе ги исполни сите строгопропишани услови на конкурсите.

Почетокот на работата на ново основно училиште „Панко Брашнаров“ треба утре да ја одобри Владата, а потоа и Советот на Општина Велес. Двете училишта се спојуваат вои едно поради намалениот број на запишани ученици, а градот сака да направи рационализација.

Наскоро се очекува разрешување  на директорот на Средношколскиот интернат „Лазар Лазаревски“ и на директорката на  детските градинки „Димче Мирчев“, додека истекувамандатот на директорот на ССОУ „Коле Неделковски“ На четвртиот конкурс за  директор на Народниот музеј никој не се јавил бидејќи условите биле многу тешки, информира Коцевски, па и натаму ја раководи  в.д. директорка. Се чека и соодветен кандидат  за нов директор на ЈКП „Дервен“.

-Значи Велес има сериозни кадровски промени и не знам како ќе го изменаџираме сето тоа и како ќе дојдеме до квалитетни раководители кои ќе ги водат сите овие институции. Законските услови се многу тешки за исполнување или со годините на стаж, односно работно искуство или со познавање англиски јазик. Имавме такви проблеми и со Гимназијата и со Економското училиште, вели Коцевски.