ВОДА ЈА ОДНЕЛА 900 КМ ОД НЕЈЗИНИОТ ГРАД: Жена спасена по четири дена на отворено море
Објавено во: Свет 25 Декември, 2017
Жена од Филипините четири дена преживеала на отворено море.
Екипажот на товарен брод ја спаси 25-годишната Диана Салим по четири дена.
Градот Сибуко каде живее Салим е погоден од тајфун, а водите жената ја однеле дури 900 километри северно од нејзиниот град.
„Се подготвувавме да се евакуираме кога водите дојдоа и ја однесоа целата наша куќа“- изјави Салим.
Таа вели дека со денови немала ништо за јадење додека се одржувала на површината држејќи се за парче дрво, а дождовницата била единствената вода што ја имала за пиење.
Нема информации што се случило со нејзиното семејство. Над 200 лица загинаа на Филипините, а 159 се водат како исчезнати по ударот на тајфунот Тембин, додека скоро 100.000 лица мораа да бидат евакуирани.
Градоначалникот на Сибуко, Норбидеири Единг изјави дека спасувањето на Салим ќе значи нов поттик за спасувачките екипи кои трагаат по другите жители на градот кои се водат како исчезнати.