31 Мај, 2024
0.0270

ВОДА ВРЕДНА КАКО ЗЛАТО, ОД ПОЛНЕЊЕ ДОБРО СЕ ЖИВЕЕ - како „Пелистерка“ оствари чист профит од половина милион евра

Објавено во: Економија 03 Ноември, 2023

Добивај вести на Viber

Одлично се живее и се заработува од полнење на вода и производство на освежителни пијалоци. Тоа барем го покажа Билансот на успех на битолската компанија „Пелистерка“, која за првите три квартали од годинава прикажа трикратно зголемување на добивката, или за близу 200 проценти.

Имено, во периодот од јануари заклучно со септември оваа година, ова битолско акционерско друштво остварило чиста добивка од 484 илјади евра, што е заголемување за 195 отсто во однос на истиот период лани.

Компанијата освен своите финансики извештаи до Берзата нема доставено и образложение за својот деловен резултат, па затоа треба да се разгледаат поединечните ставки од Билансот на успех на ова битолско претпријатие.

Во првите девет месеци од годинава „Пелистерка“ наплатила од оперативни приходи 5,33 милиони евра, што всушност се приходи од основната дејност на компанијата. Во однос на истиот период лани, тие се зголемени за 6 проценти.

Речиси сите овие пари се наплатени како приходи од продажба, и притоа треба да се има предвид дека најголемиот дел од продажбите и приходите се остварени на домашниот пазар, односно од домашните потрошувачи. Тие и донеле на компанијата прилив од 4,63 милиони евра, а во однос на истиот период лани тоа е зголемување за четири проценти.

Иако се значајно помали како сума, приходите од продажба на странски пазар имаат голем пораст. Или, тие и донеле на компанијата прилив од 692 илјади евра, што е зголемување за 21 отсто во однос на истиот период лани.

Кај другите приходи кои се и значително пониски како ставка, има значително намалување.

Расходната страна пак, покажува намалување во однос на истиот период лани, и тоа за 11 проценти, односно остварени се оперативни расходи на сума од околу 4 милиони евра.

Најголемата трошочна ставка отпаѓа на трошоците за суровини и други материјали, кои биле на износ од 2,26 милиони евра, но и кај нив во однос на истиот период лани има намалување за 15 проценти.

Останатите трошоци од работењето, пак, се зголемени за 30 отсто.

Компанијата во анализираниот период ги намалила трошоците за своите врабнотени, за кои за плати и надоместоци исплатила 552 илјади евра, што е снижување за двет проценти.

Како резултат на основното работење, „Пелистерка“ прикажала силна оперативна добивка од дури 1,1 милиони евра, и што е огромен пораст за 229 отсто или за повеќе опд трикратно во однос на истиолт период минатата година.

Но, она што крајната добивка ја намалува е фактот што во анализираниот период не се остварени воопшто финансиски приходи, додека финансиски расходи имало и тоа на значајна сума од 551 илјади евра, што е неколкукратно поголема сума во однос на истиот период лани.

Тоа ја намалило и добивката од редовното работење, а со пресметаниот данок, нето добивката на компанијата или профитот бил на ниво од 484 илјади евра, што е сепак одличен пораст од дури 195 проценти во однос на истиот период лани.

Како што стои во описот, во рамките на предметот на работењето приоритетна дејност на друштвото е производство на освежителни пијалоци; производство на минерална вода и друга флаширана вода. Покрај производството на освежителни пијалоци, минерална вода и друга флаширана вода Пелистерка АД Скопје е регистрирано и за вршење на повеќе други дејности согласно статутот на друштвото, се вели во описот на Берзата.

Н.Н.Ф.

Можеби ќе ве интересира

ФАКТОР ИСТРАЖУВА: Сватовите на Али Ахмети со најголеми добивки од бизнисите во Кичево

ФАКТОР ИСТРАЖУВА: Сватовите на Али Ахмети со најголеми добивки од бизнисите во Кичево

ЗЛАТНАТА КОКОШКА НА ФАРМАЦЕВТСКАТА ИНДУСТРИЈА - продажбата на овие лекови ќе надмине 150 милијарди долари

ЗЛАТНАТА КОКОШКА НА ФАРМАЦЕВТСКАТА ИНДУСТРИЈА - продажбата на овие лекови ќе надмине 150 милијарди долари

На спектакуларен настан, „Тиквеш“ ги претстави вината од брендот „Луда Мара“

На спектакуларен настан, „Тиквеш“ ги претстави вината од брендот „Луда Мара“

ШТО Е ПРИОРИТЕТ: „Хотели Метропол“ намени за инвестиции најголем дел од добивката, 415 илјади евра

ШТО Е ПРИОРИТЕТ: „Хотели Метропол“ намени за инвестиции најголем дел од добивката, 415 илјади евра

АДСПД СТОПАНИСУВА СО 1.171 ОБЈЕКТИ И ОД НИВ 51 ПРОЦЕНТ НЕ Е ИЗДАДЕН ПОД ЗАКУП: Ревизија излезе со извештај за стопанисувањето со станбен и деловен простор

АДСПД СТОПАНИСУВА СО 1.171 ОБЈЕКТИ И ОД НИВ 51 ПРОЦЕНТ НЕ Е ИЗДАДЕН ПОД ЗАКУП: Ревизија излезе со извештај за стопанисувањето со станбен и деловен простор

КАКО СВЕТОТ ЗАПАДНА ВО ДОЛГ ОД 315 ТРИЛИОНИ ДОЛАРИ? Секој од нас должи 39.000 долари

КАКО СВЕТОТ ЗАПАДНА ВО ДОЛГ ОД 315 ТРИЛИОНИ ДОЛАРИ? Секој од нас должи 39.000 долари

НОВОГОДИШНИ БОНУСИ, ВИСОК К15, ДЕЛ ОД ДОБИВКА НА СМЕТКА - која е компанијата што има олку среќни вработени, а има и богати награди за менаџерите

НОВОГОДИШНИ БОНУСИ, ВИСОК К15, ДЕЛ ОД ДОБИВКА НА СМЕТКА - која е компанијата што има олку среќни вработени, а има и богати награди за менаџерите

ЕВРОПА ВРБУВА 11 МИЛИОНИ ТУРИСТИЧКИ РАБОТНИЦИ - сепак, платите не се доволни, па имаат и втора дејност

ЕВРОПА ВРБУВА 11 МИЛИОНИ ТУРИСТИЧКИ РАБОТНИЦИ - сепак, платите не се доволни, па имаат и втора дејност

ЕВЕ КАКО СЕ ПРОДАВАА НАЈГОЛЕМИТЕ ЈУГОСЛОВЕНСКИ ГИГАНТИ НА БАЛКАНОТ: Прво беше подготвен теренот со светските сили

ЕВЕ КАКО СЕ ПРОДАВАА НАЈГОЛЕМИТЕ ЈУГОСЛОВЕНСКИ ГИГАНТИ НА БАЛКАНОТ: Прво беше подготвен теренот со светските сили