Водата во Гевгелија загадена со арсен!

Добивај вести на Viber

Нивото на опасен аресен во водата за пиење во Гевгелија е за пет отсто повисоко од дозволено пропишаното од Светската здравствена организација, се пожалија гевгеличани. Тие се обидоа во Скопје, делејќи локум, слатко  и вода, да го свртат вниманието на јавноста и на институциите кон проблемот што го имаат со лошиот квалитет на водата за пиење во нивниот град. Велат дека локалната власт го премолчува проблемот, иако зголеменото количество на овој отров во водата за пиење во Гевгелија го потврдил и Институтот за јавно здравје на крајот од 2013 година. Гевгеличани веќе ги чувствуваат последиците врз здравјето - заради арсенот расте бројот на хронични и малигни заболувања, особено кај помладите граѓани. На гевгелискиот водовод се приклучени околу 25 илјади домаќинства. Тие предлагаат низа мерки, меѓу кои и барасње нови безбедни извори на вода за пиење, за што истражувањето би траело околу 9 месеци. Една од мерките што ги предлагаат е барање нови извори, систем на истражување што би траел околу девет месеци. Во меѓувреме граѓаните водата да ја користат само како техничка, да добиваат пониски сметки од градскиот водовод, како и да бидат субвенционирани за купување флаширана вода.