Вонредна состојба во Добрич – 3 жртви, 150 евакуирани

Добивај вести на Viber

Обилните дождови зедоа три жртви во Добрич. Прогласена е вонредна состојба, 150 луѓе се евакуирани.

Околу 07:00 часот утрово млади лица слушнале извици од куќа во реонот на автобуската станица, каде нивото на водата во моментов е околу метар и половина. Маж добил мозочен удар и не успеал да избега, а додека младите пристигнале да го извлечат, тој веќе се удавил.

Другата жртва е жена која се удавила во реонот на Хуманитарната гимназија во градот. Таму е една од најниските точки во градот и е како сливна зона.

Улиците во градот личат на пловни реки. Во градот нема струја, а училиштата денска не ги отворија вратите. Дождот заврнал синоќа, а едвај утрово престанал. И таму има многу штета.

Градоначалникот рекол дека со состојбата не може да се справи бидејќи нема средства за тоа.

Во последните 10 часа над градот се истуриле над 106 литри на метар квадратен дожд кој продолжува да врне и во моментов, и се очекува нов бран врнежи. Објавена е жолта фаза за претстојните порои. Има пораст на нивото на Сува река, се повикуваат граѓаните да преземат мерки за евакуација.

Во спортската сала „Добротица“ е организиран пункт за  засолниште за загрозените.