Вредноста на акциите може да расте?

Добивај вести на Viber

Европските акции денеска зависеа од шпекулациите дека Шпанија може да побара меѓународна помош во ноември, но инвеститорите остануваат загрижени од очекувано слабите економски  извештаи за компаниите. Индексот ФТСЕ на лондонската берза порасна за 0,5% и стигна до 5824 поени. Франкфуртскиот ДАХ се покачи за 0,8 %, на 7.292 поени, а најголем победник е парискиот  ЦАЦ, кој скокна 1,5 % и достигна 3438 поени . Извори од еврозоната  за Ројтерс во текот на викендот, изјавиле дека Шпанија може да побара меѓународна помош во ноември.  Ако ја побара помошта, тогаш нејзиното барање , најверојатно, ќе се разгледува во пакет со грчкото барањето за измена на кредитната програма, како и  со побараната помош од страна на Кипар. „Расположението се подобрува, но потребни се детали од планот за помош на Шпанија во кој не смее да се повторат  грешките направени во Грција. Ова ќе му помогне на пазарот да ја пробие тековната бариера", објаснува аналитичарот Арно Скарпаци од „Agilis Gestion“. Во ваквото опкружување, најголеми добитници се банките во еврозоната, па Комерцбанк забележа добивка од 1,8%,Сосиете Женерал  1,6% , а Уникредит 1%. Инвеститорите се повеќе се загрижени од штетите коишто ќе им бидат нанесени на компаниите поради забавувањето на глобалната економија. Иако штотуку започнува сезоната на објавување на економските извештаи во САД, податоците покажуваат дека  94 компании чии акции се пресметуваат според индексот „ S&P“ бележат добивка во третото тромесечие, а само 23 од нив пргнозираат повисока заработка. Скарпачи нагласува дека слабите извештаи веќе се искалкулирани во цената на акциите. Меѓу најголемите губитници се рударските компании.