Времето денес претежно сончево, во втората половина на денот се очекува промена
Објавено во: Македонија 09 Април, 2018
Времето денеска во Македонија претежно сончево, со повремена облачност на одредени места. Но, УХМР објави нови информации според кои треба да очекуваме нова промена.
Имено, попладне се очекува преодно зголемување на облачноста со услови за слаб локален дожд во западните планински предели.
Како што соопшти УХМР, ќе дува слаб до умерен југоисточен ветер. Максималната температура ќе биде во интервал од 19 до 26 степени.
Времето утре сончево со мала до умерена локална облачност. Утринските температури ќе се движат во интервалот од два до девет степени, а максималната дневна од 16 до 26 степени Целзиусови.
Во Скопје слично време со темепратура до 24 степени.