Вртелешката се постави, што друго планираат за годинава градските власти

Добивај вести на Viber

По завршувањето на локалните избори и победата на актуелниот градоначалник на Град Скопје Коце Трајановски, градските власти веднаш започнаа со реализација на најавените проекти. Вчера на плоштадот Македонија на локацијата меѓу Камениот и мостот “Око” се постави вртелешката вредна 163.000 евра. Ова беше проект на Градот, реализиран преку ЈП “Паркови и зеленило”, проект за кој на седниците на градскиот Совет лани се водеа жестоки расправи меѓу советниците од опозициската СДСМ и владајечката ВМРО ДПМНЕ. И покрај тоа што годинешниот градски вкупен Буџет ќе биде покус за близу 10 отсто, градските власти обезбедија финансии за реализација на неколку крупни проекти како  Панорамското тркало, Трамвајот, новиот Луна Парк, Ски-патеката на Водно, Подземната сообраќајница. Дел од клучните проекти планирани за оваа година се и изградбата и надзор на Градската куќа, реконструкција на деловни објекти, изградба на улици и патишта, реконструкција на фасади на станбени објекти, изградба на две катни гаражи и друго. Панорамско тркало колку 20 -спратна зграда Освен на венецијанската вртелешка, скопјани ќе имаат можност да се вртат и на Панорамското тркало високо речиси колку една зграда од 20 спрата. Идејното решение е избрано, се чека наскоро градските власти да го објават и тендерот за изработката на тркалото. Изградбата најверојатно ќе чини околу 2,5 милиони евра, а Градот ќе го гради заедно со приватен инвеститор. Во градската каса за овој проект се одвоени нешто повеќе од 500.000 евра. Предвидено е да биде високо 60 метри, а ќе се гради на нов пешачки мост на реката Вардар, во делот помеѓу Музејот на ВМРО и Стариот театар. За најдобро идејно решение за изгледот на Панорамското тркало е избрана архитектонтската фирма „ Massabni architects GmbH“, кои се автори на фасадата на хотелот „Мериот“на  плоштадот Македонија. И овој проект беше проследен со низа препукувања меѓу советниците. Токму чинењето н тркалото и останатите детали беа причина за жестоките расправи на седниците. Иако на една од последните седници пред локалните избори, Советот требаше да даде зелено светло за изнаоѓање на партнер за изградбата, точката беше симната од дневен ред, но советниците од владејачката коалиција беа децидни дека нема да се откажат од проектот. - Се работи за пропусти од технички карактер во документацијата за  проектот, односно не е целосна, во оној момент кога документацијата ќе се комплетира точката повторно ќе биде ставен на некоја од седниците. Ние не се откажуваме од проектот, изјави тогаш Дафинка Саздова, координатор на советничкта група на ВМРО – ДПМНЕ Опозицијата пак сметаше  дека  Градот треба комплетно да се откаже од трошењето пари за како што велат објекти кои не се од значење за Скопје. -Тоа е еден од проектите од Скопје 2014, и како таков не само од оваа седница треба целосно да се тргне . На Скопје не му требаат такви екскурзии , оти има поважни проблеми за решавање од Панорамското тркало.  Скопје има потреба од други мостови, а не од изградба на мост на реката Вардар за на него да се направи Панорамско тркало, тоа е небулозно и Градот треба да се откаже од овој проект, изјави на крајот на октомври лани, Драги Давчевски, советник од СДСМ во Градот Скопје Оваа атракција на градските власт се реализира како дел од проектот Скопје 2014. Подземната сообраќајница, најголем проект Изградбата на подземната сообраќајница од мостот„ Гоце Делчев“ до „Комплекс Банки“ е убедливо најголемиот проект на градските власти, кој беше клучен адут во изборната кампања на кандидатот Коце Трајановски. Кон средината на јуни ќе се знае кои фирми ќе се вклучат во изградбата на подземната сообраќајница, капитален проект на Град Скопје, кој би бил готов  за околу 3 години. Сообраќајницата ќе биде долга 1.300 метри, и тоа 900 метри се под земја, а 400 метри над земја договорот за изработка на основниот проект кој Градот го склучи со шпански “Идом” во март минатата година изнесува нешто повеќе од близу 552.000 евра. Предвидениот буџет за изградбата на подземната сообраќајница изнесува 32 милиони евра, од кои со 22,4 милиони евра ќе учествува Владата, а 9,6 милиони евра ќе се обезбедат од градската каса. Трамвај од 243 милиони евра за Скопје На 24-ти овој месец ќе се знае дали има зантересирани концесионери за изградба и стопанисување со трамвајскиот систем во Скопје. Досега интерес покажале неколку странски фирми од Франција, Хрватска, Полска Чешка и Германија, но дали некоја од нив ќе стопанисува, ќе биде познато кон крајот на месецот. Концесионерот што ќе се избере е должен да набави 22 трамвајски восилиа, да ја проектира трамвајската траса која што е предвидено да биде во должина од 12,1 километри, односно 2,4 километри во двата правци, да изгради трамвајски станици, депоа и да стопанисува со системот во согласност со рокот нведен во договорот, однсно следните 35 години. Првичната проценка е дека изградбата ќе чини нешто повеќе од  243 милиони евра. Во финансирањето на трамвајскиот систем во следните 35 години освен Градот, со 50 проценти ќе учествува и Владата. Се уште не е познато со колкав процент во финансирањето ќе учествува приватниот партнер. Предвидено е трамвајската Линија1 да го поврзува источниот и западниот дел на градот, односно од Ново Лисиче до Ѓорче Петров, минувајќи низ центарот и со фреквентна временска рамка од 3-6 минути. Идејата за трамвај датира уште од времето кога во градоначалничката фотелја седеше Трифун Костовски. Актуелниот градоначалник Трајановски, не успеја да го реализра во првиот мандат. Пред локалните избори распиша тендер за јавно приватно партнерство, па најверојатно ќе го реализира во вториот мандат. И покрај тоа што, трамвајот постојано беше најавуван како клучен проект на Градот, за разлика од другите не беше често спменувам во текот на изборната кампања.  Ќе добие ли конечно Скопје нов Луна парк? Градот сеуште не може да најде соодветен партнер за изградба на новиот модерен Луна Парк. Досега пропаднаа повеќе тендери, иако во текот на изборната кампања на  кандидатот за градоначалник на Град Скопје од ВМРО-ДПМНЕ и коалицијата „За подобра Македонија“, Коце Трајановски, често ја споменуваше реализацијата на овој проект. Инвестицијата за овој Луна парк е осум милиони евра при што треба да има четири адреналински реквизити, а останатите ќе бидат од различен тип. Концесионерот ќе биде должен да стопанисува 30 години. И почетокот на реализацијата на овој проект е најавена за оваа година. Модерен скијачки комплекс на Водно На почетокот на следниот месец завршува јавниот повик за доделување на договорот за јавно-приватно партнерство за изградба, управување, користење и одржување на ски-патека на Водно. Според повикот, патеката ќе се дава како концесија и договорот ќе важи  25 години.  Планирано е на Водно да се гради современ и модерен скијачки комплекс, којшто ќе ги задоволи највисоките светски стандарди за ваков вид на објекти. Засега не се знае точно со колку пари ќе учествува Градот во јавното приватно партнерство, но во градскиот Буџет за 2013 се предвидени пари за изградба на ски-патеката. Ски-патеката ќе се про­те­га од вр­вот на Вод­но од дес­на­та стра­на на „Ми­ле­ни­ум­ски­от крст“, во пра­вец кон Не­ре­зи, ка­де што и пред два­е­се­ти­на го­ди­ни има­ло ва­ква па­те­ка за ски­ја­ње. Во буџетот за 2013 година за Град Скопје, предвидени се вкупно близу 114 илјади евра за консултанстки услуги за подземната сообраќајница, трамвајот, реклами, ски-патеката. Ј.С