Вучиќ добил ултиматум, мора да го прифати планот за Косово
Објавено во: Балкан 23 Јануари, 2023
Србија се соочува со ултиматум, да го прифати решението за Косово кое се нуди.
Српскиот претседател Александар Вучиќ вечерва рече дека ако Србија го одбие планот, може да се врати визниот режим за српските граѓани, да прекинат преговорите со ЕУ, а се плаши дека и странските инвестиции можат да си заминат, кои како што рече вработуваат над 100.000 луѓе. Дека е тоа можно да се случи, го наведе примерот со Русија, каде како што рече, за 15 дена си заминале 99 отсто од странските компании.
„Дојде „западната петорка“, во втората реченица што ми беше соопштена, беше речено – треба да го прифатите овој (француско-германски) план, а ако не го прифатите, ќе се соочите со последиците“, изјави српскиот претседател.
На Вучиќ, му било порачано дека планот мора да биде прифатен.
„Ќе се соочите, под еден, со прекин на евроинтегративниот процес, под два ќе се соочите со запирање и повлекување на инвестициите, под три – сеопфатни мерки во политичка и економска смисла што ќе ѝ наштетат на Србија. Ова ми беше повторено уште три пати во текот на разговорот и секој пат жестоко реагирав на тоа“, изјави Вучиќ.
А денот го одбележа и инцидент на Косово. Косовската полицијата ранила Србин, кој е пренесен во Краљево.