ВУЧИЌ СЕ ОБЈАСНУВАШЕ: Вели не го одбил Путин за самитот на БРИКС, но ќе види
Објавено во: Балкан 06 Септември, 2024
Српскиот претседател Александар Вучиќ објасни дека ниту го одбил, ниту го прифатил повикот на рускиот претседател Владимир Путин да присуствува на самитот на БРИКС, туку кажа „ќе видиме“, а потоа најави важни состаноци кои треба да се одржат во следниот период.
„Значи, одлуката за тоа ќе ја донесеме од 10 до 15 октомври. Но нема никаков сомнеж дека добив важен повик, како што и од претходно имаме закажано важни посети“, кажа српскиот претседател.
Рускиот министер за надворешни работи, Сергеј Лавров вели дека позицијата на НАТО и на Европската унија кон Србија е слична на онаа кон Турција, која неодамна покажа желба да се приклучи на БРИКС.
Тој вели дека има зголемен интерес за влез во БРИКС.
фото Фејсбук/Александар Вучиќ