ВУЧИЌ СЕ ЖАЛИ ДЕКА НЕМА СИЛА: Објасни каква му е здравствената состојба
Објавено во: Балкан 08 Мај, 2025 16:41
Претседателот на Србија, Александар Вучиќ денеска во Москва изјави дека сега се чувствува добро, но дека сè уште не ја вратил целата сила и дека терапијата што ја зема му е потешка, но дека ќе се навикне на неа и дека очекува сè да биде во ред.
„Се надевам дека ова нема да ми ја намали енергијата и амбицијата. Иако ми е малку потешко, имам малку помалку сила, брзина и енергија, но верувам дека сè ќе биде во ред во деновите и неделите што доаѓаат“, изјави Вучиќ, пренесе Телеграф.
Тој додаде дека негова работа е да се бори за народот на Србија и дека ќе продолжи да го прави тоа со онолку сила и енергија колку што има, но дека верува дека сè уште има многу, многу повеќе од оние кои можеби се во подобра физичка состојба од него.
„Затоа што тоа е нешто што и Бог ви го дава, но нешто што сами го одредувате како задача со која одите пред луѓето, пред светот, да се борите и никогаш да не се откажувате, за да нема откажување“, рече Вучиќ.
При посета на САД неодамна му се слоши, по што беше неизвесно дали ќе замине во Москва за Денот на победата. Латвија и Литванија му забранија прелет, но тој сепак стигна во Русија, а неговиот авион попат слета во Баку, Азербејџан. Над 20 лидери ќе присуствуваат на церемонијата во Москва.Можеби ќе ве интересира
Што вели Рама за идејата на новите членки на ЕУ да им се ограничи правото на вето?
(ВИДЕО) Пратениците во албанското Собрание се тепаа и фрлаа чадни бомби
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
