30 Ноември, 2023
0.0309

ЗА ЧАИРСКИТЕ ГАЗДИ НЕ ВАЖЕЛЕ БАШ СИТЕ ЗАКОНИ КАКО И ЗА ДРУГИТЕ - се работело и во недела, со непријавени работници..., еве колкави се казните

Објавено во: Економија 19 Август, 2022

Добивај вести на Viber

Дали законите во државава секаде еднакво се почитуваат, или некаде и не баш толку многу како на поголемиот дел од локациите.

Или, ако за сите во државава треба да важи дека недела е неработен ден за работниците, освен во оние дејности што се одредени како исклучоци, и освен во туристичките места за кои се донесоа посебни законски измени, тоа дефинитивно не било случај со повеќе деловни субјекти во скопската општина Чаир.

Голем број граѓани овие појави кај чаирските газди ги пријавиле, односно испратиле претставки до Државниот инспекторат за труд, а имало укажувања и од Синдикатот. По сето ова, од Инспекторатот решиле да испратат вонредни инспекциски контроли во Чаир.

И, што се случило?

Од вкупно 12 вонредни инспекциски надзори, за кои била повикана и полициска асистенција, дури во 12 се утврдени неправилности, или практично во сите деловни субјекти што биле контролирани. Притоа не биле утврдени само кршења на законот за недела неработен ден, туку биле „уловени“ и други пропусти кај некои од објектите, што резултирало со изрекување на 12 инспекциски мерки.

„На 14.08.2022 година во соработка со овластени полициски службеници од Единицата на интервентна полиција при МВР, извршени се 12 вонредни инспекциски надзори, со цел да се утврди дали работодавачите ги почитуваат законските одредби кои се однесуваат за забрана за работа во недела во оние дејности кои не спаѓаат во исклучоците утврдени во Законот за работни односи.Надзорите се извршени на подрачјето на Општина Чаир по претходни поднесени пријави од граѓани и ССМ во кои се изнесени наводи дека работодавачите не ги почитуваат законските одредби за недела неработен ден“, се вели во соопштението од Инспекторатот објавено на нивната веб страница.

Натаму, од ДИТ информираат дека од вкупно извршените надзори, се изречени 12 инспекциски мерки, а од нив дури осум се поради непочитување на недела неработен ден, поради што се ставени осум „клуча“ во траење од две недели, односно се изречени вкупно осум решенија забрана за вршење на дејност во траење од 15 дена.

Покрај тоа, во три компании се затекнати четири работници на диво, па затоа се издадени три решенија - наредба за засновање на работен однос со затекнатите четворица работници без регулиран работен статус.

И конечно, најдена е и фирма која целосно работела на диво, па затоа и било издадено решение – опомена за регистрирање на неригистрирана дејност, согласно Законот за забрана на вршење на неригистрирана дејност, се вели во соопштението од Државниот трудов инспекторат.

Чаирските газди ќе бидат „почешани“ и по џебот. Бидејќи, како што информиора ДИТ, се издадени вкупно 25 прекршочни платни налози, за кои глобата ќе биде дефинирана согласно големината на фирмата, и ќе се движат во распон од 200 до 600 евра.

Контроли биле правени и во Битола и Прилеп, како и во Струмица, и за тие објекти биле изречени инспекциски мерки.

Од ДИТ тврдат дека ќе продолжат да ги штитат правата на работниците, а заради поголема ефикасност на надзорите ќе продолжи и соработка со претставниците на МВР, кои, како што велат, покажале висок професионализам како логистичка поддршка на инспекторите во вршењето на инспекциските надзори.

А кога станува збор за работа во недела, треба да се спомене и дека неодамна беа усвоени измените на Законот за трговија, со кој се овозможува работа во недела и државни празници на сите трговци на мало и на големо во туристичките места, утврдени со Законот за туристичка дејност. Со измените во законот се утврди дека работниците во трговските објекти кои ќе работат во недела и празници ќе добијат дневница поголема за 100 проценти.

Н.Н.Ф.

* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2023 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.

Можеби ќе ве интересира

Заеднички со Унгарија ќе се бориме против таксата на Бугарија за руски гас

Заеднички со Унгарија ќе се бориме против таксата на Бугарија за руски гас

ШЕСТ МИЛИОНИ ЕВРА ПЛАТЕНИ ЗА ЕДЕН ДЕН - „Крејон Македонија“ ја доби првата „сочна“ исплата за сајбер одбраната по новиот договор

ШЕСТ МИЛИОНИ ЕВРА ПЛАТЕНИ ЗА ЕДЕН ДЕН - „Крејон Македонија“ ја доби првата „сочна“ исплата за сајбер одбраната по новиот договор

СИТЕ САКААТ ДА БИДАТ „ФРИЛЕНСЕРИ“ - Кои се предностите на „гиг“ економијата

СИТЕ САКААТ ДА БИДАТ „ФРИЛЕНСЕРИ“ - Кои се предностите на „гиг“ економијата

„Вози Мишко“ од јули до септември! 74.000 Македонци избрале автобус на летување на море и шопинг во странство

„Вози Мишко“ од јули до септември! 74.000 Македонци избрале автобус на летување на море и шопинг во странство

Бислимовски: Од утре официјално дневна евтина тарифа за струја

Бислимовски: Од утре официјално дневна евтина тарифа за струја

Генерали инвестментс: Црн петок и продажба од 9,8 милијарди долари во САД ?️

Генерали инвестментс: Црн петок и продажба од 9,8 милијарди долари во САД ?️

ГЕРМАНСКАТА ЕКОНОМИЈА ТОНЕ ПОРАДИ ЕДЕН МНОГУ ВАЖЕН ФАКТОР: Недостиг има кај 80 отсто од компаниите

ГЕРМАНСКАТА ЕКОНОМИЈА ТОНЕ ПОРАДИ ЕДЕН МНОГУ ВАЖЕН ФАКТОР: Недостиг има кај 80 отсто од компаниите

Ниту небото не е лимит за нив! Во која државна фирма просечната плата изнесува 2.500 евра?

Ниту небото не е лимит за нив! Во која државна фирма просечната плата изнесува 2.500 евра?

УЈП со решенија за осум блокирани сметки на компании кои не платиле солидарен данок

УЈП со решенија за осум блокирани сметки на компании кои не платиле солидарен данок