„ЗА ДА БИДАТ ГАЗДИ НА ПРАЗНИТЕ СЕЛА И ГРАДОВИ“: Најчевска со остра критика кон Рамадани и идејата 'мора да ги води Албанец'

Добивај вести на Viber

По објавата дека кандидатот за градоначалник на општина Брвеница од редовите на „Влен“ (Вреди), која беше бомбастично пренесена од медиумите, бројни реакции од политичките претставници, но и од општествените критичари. 

На, темата, во свој стил, со ироничен коментар се огласи и професорката и активистка од областа на човековите права, Мирјана Најчевска, која посебен акцент во својот коментар стави на иселувањето на жителите од Македонија, особено на Албанците. 

- Ахахахаха. Ма ќе пукнам.

Со сите градоначалници од етничките Албанци во Македонија толку се иселиле од градовите со кои управуваат што треба да одат да ги бркаат по странство за да ги изгласаат.

За да бидат газди на празните села и градови. Кретени - напиша Најчевска во објавата на социјалните мрежи.

За потесетување  Хаќим Рамадани, кој е и директор на Државниот инспекторат за локална самоуправа, според објавите во медиумите, на средба со иселеници во Хамбург, Германија, посочил дека „треба да се знае кој е газда на својата земја“, и дека општините како Кичево, Брвеница, Тетово и секаде каде се мнозинство Албанците, мора да ги води Албанец.

Рамадани и противкандидатот од ДУИ, Енвер Пајазити, кој испадна од трката во првиот круг, заминаа за Германија, Австрија и Швајцарија каде се среќаваат со иселеници и бараат гласови за Албанците да победаат на Локалните избори во Македонија.

Во втор круг влегоа Рамадани и Јовица Илиевски, кандидатот на ВМРО-ДПМНЕ и актуелен градоначалник на Брвеница.

Денеска на темата се огласи и самиот Рамадани, кој на премиерот Христијан Мицкоски му одговори дека има нешто што му е побитно од јавната функција.