За еден месец правосулна одлука за затворот на Мијалков
Објавено во: Македонија 03 Октомври, 2019
За еден месец ќе биде донесена правосилната одлука за обвинението на поранешниот директор на УБК, Сашо Мијалков, за „Титаник 2“.
На 4 ноември е закажана седницата на Апелациониот суд и на истата треба да се потврди, намали или укине првостепената затворска казна од три години на Мијалков.
Покрај Мијалков, Кривичниот суд во март годинава, Мендух Тачи од ДПА беше осуден на три години и два месеци, Бедредин Ибраими како претседател на ДИК доби казна затвор од 4 години и 6 месеци, додека членовите на ДИК Влатко Сајковски, Сашо Срцев и Елизабета Стефановска добија по 3 години затвор.
Мијалков како директор на УБК и член на Извршниот комитет на ВМРО-ДПМНЕ го искористил своето реално влијание и моќ и преку Мендух Тачи договорил да се усвојат приговорите за прегласување на три избирачки места во Струмица на локалните избори 2013 година. Другите обвинети членови на ДИК, според СЈО, ја злоупотребиле службената положба и не биле во функција на Изборниот законик, туку на партиските интересни.
Судот тогаш им определи притвор на Мијалков и на Ибраими, но по 60 дена поминати во куќен притвор, беа пуштени на слобода до правосилност на пресудата.