За една година нови 56 илјади блокирани сметки на фирми и граѓани

Добивај вести на Viber

И во март, продолжува тренд на раст на блокирани жиро сметки на фирми и на граѓани. Според најновите објавени податоци на Народната Банка, минатиот месец вкупниот број на блокирани сметки достигна 150 651. Само за три месеци, односно од почетокот на годинава заклучно со март, бројот на блокирани сметки е зголемен за речiси 3 800 ново-блокирани. За една година, бројот на блокирани сметки е зголемен за 56 622, што укажува на континирано влошување на финансиската кондиција на граѓаните и на фирмите за редовна отплата на обврските кон банките, државата и меѓусебните побарувања. Во исто време, расте бројот на целосно блокирани граѓани и фирми. Така, заклучно до крајот на март вкупниот број на блокирани депоненти изнесува 71 140. Од нив, повеќе од половина се блокирани сметки на компаниите. Блокирани депоненти Правни лица 38.786 Физички лица 32.354 Од почетокот на оваа 2013 та година, до април блокирани биле дополнителни 1 138 граѓани и фирми, но компаративната анализа на бројките укажува дека со позабрзано темпо расте бројот на блокирани граѓани.