За Москва шлаканица „тешка“ 50 милијарди долари

Добивај вести на Viber

Русија ќе мора да плати 50 милијарди долари отштета за акционерите на поранешниот нафтен гигант Јукос, по пресудата на меѓународниот арбитражен суд во Холандија. Судот по 10 години донесе пресудат според која руските власти ја прекршиле Енергетската повелба на ЕУ при експропријацијата на имотот по банкротот на Јукос во 2003 година. Русија, освен отштета ќе мора да плати и вртоглави 65 милијарди долари судски трошоци. Оштетените, пак, бараа од судот двојно повисока отштета од 114 милијарди долари. Рокот за исплата на досудените средства е јануари 2015 година, а потоа ќе започне да се пресметува камата. Се очекува Русија да вложи жалба на пресудата во корист на компанијата регистрирана на Гибралтар „Група Менатеп Лимитед“, која некогаш најбогатиот Русин Михаил Ходорковски ја користеше за управување со Јукос. Случајот „Јукос“, еден од најпознатите во Русија во овој век, е голема тема во целиот свет цели 11 години. Руските власти во 2003 година го обвинија раководството на тогаш најголемата компанија во земјата за корупција, затајување даноци, перење пари и проневера. По судењето Русија го доби и најпознатиот затвореник - олигархот Михаил Ходорковски. Акционерите на компанијата која што ја водеше тој, обвинија дека Ходорковски е уапсен заради неговите олитички активности и критиките за власта. Тие тврдеа дека токму руската власт го довела Јукос до банкрот, а потоа преку „Росњефт“ го презела неговиот имот. Ходорковски кон крајот на минатата  година беше пуштен од затвор, по неочекувано помилување од рускиот претседател Владимир Путин.