За новата фонтана повторно ќе се „прекопува“ дел од скопскиот плоштад

Добивај вести на Viber

За кратко време повторно ќе се прекопува дел од скопскиот плоштад за изградба на новата фонтатна - прскалка. Како што изјави градоначалникот на Скопје, Коце Трајановски, плановите веќе се прават. „Се чека се уште оној период од 12 дена, во кој се информираат останатите кои доставиле понуди. После тоа ќе се потпише договорот, ќе се прават планови и јас се надевам дека многу брзо ќе почне реконструкцијата на плоштадот“, рече Трајановски. Градот по втор пат распиша јавен повик за фонтаната прскалка.Според најавите, новата фонтана  ќе има форма на коцка со страни од по 15 метри. На неа ќе има 128 прскалки кои ќе работат во лето. Плочите од плоштадот пак кои ќе мора да се извадат, треба да бидат употребени за поплочување на плоштадот кај новата црква „Пресвета Богородица” во Центар. Проектот за изградба на фонтана и реконструкција на плоштадот, како што е наведено во соопштението, ќе се реализира со 2/3 финансиски средства од Владата на Република Македонија и 1/3 од буџетот на градот Скопје.