Добивај вести на Viber
Најавената интерпелацијата за претседателот на Собранието, Африм Гаши, која што е на предлог на политичката партија „Левица“ според објавата од страна на претседателот на партијата е заснована на седум точки.
Тој синоќа преку социјалната мрежа „Фејсбук“ објави кои се причините за барањето за интерпелација и притоа побара партиите да се вразумат и да ја оправдаат довербата од народото.
Еве ги седумте точки за интерпелацијата:
1. Повреда на секуларноста на државата;
2. Скандалот на Меѓународниот аеродром во Скопје;
3. Повреда на употребата на македонскиот јазик;
4. Повреда на правилата за употреба на државните инсигнии;
5. Неконстатирање на престанок на мандатот на Таљат Џафери;
6. Патувањето во Вашингтон со неговата сопруга и
7. Повреда на низа деловнички одредби за нормална работа на пратениците и Собранието и продолжување на лошите практики.
Од Левица истакнуваат дека „и покрај поднесената Интерпелација, спикерот Гаши продолжи со неговиот башибозлук и ја продолжи низата со нови скандали коишто во најмала рака повлекуваат политичка одговорност“.
- Очигледно е дека Африм Гаши нема намера да прекине со неговата злоупотреба на положбата и за само три месеци мандат, дозволи сериозно нарушување на интегритетот на Собранието.
Затоа, ги повикуваме парламентарните партии од #македонскиот блок на вразумување и оправдување на довербата дадена од граѓаните! - пишува во објавата на „Фејсбук“.
Еве ја нивната објава: