„ЗА СЕДУМ И ПОЛ МЕСЕЦИ ДОЈДОВ ДО ПРОМЕТ ОД 40 МИЛИОНИ ТОГАШНИ МАРКИ, БЕШЕ ЕКСПЛОЗИЈА“ - новиот поткаст Бизнис Муабети на Фактор со Велија Рамковски

Добивај вести на Viber

„Никогаш парите и богатството не ми биле цел, никогаш. Прво се созададов како личност, не само од сопствениот живот, бидејќи човек е формиран и од средината во која живее, и од искуствуто што го стекнува. Бидејќи, читајќи многу, и запознавајќи се така со животите на многу личности, споредувајќи се со себе со некоја личност од романот, на пример главниот јунак, јас така се создавав како личност, што секако дека зависи и од сопствениот интелектуален капацитет, и се надоградував со многу читање. Политичка економија ми одеше, иако не бев којзнае каков ученик, имав двојки, тројки, четворки и петки, петка по политичка економија. На факултет имав десетки по политичка економија. А другите не толку добри оценки, имав низок просек. 

Станав милионер одеднаш, експлозија, во 90 година, за седум и пол месец околу 40 милиони марки. Четириесет милуони сува пара, промет. Купуваш, продаваш... Зборувам промет, не заработка. Јас и еден загребчанец бевме од Сојузна комора на Југославија прогласени за најуспешни приватници во 90 година...“.

Ова, почитувани читатели, е дел од новиот поткаст Бизнис муабети, каде наш гостин е Велија Рамковски, негогаш познат бизнис магнат и милионер, а потоа и затвореник, поради одреден сплет на околности. Како напредуваше, и каде е сега и што прави Велија Рамковски. Должни сме само да кажеме дека овој разговор го снимивме во март, но не сакајќи да влијаеме на тогаш претстојните двојни избори во земјава, решивме да го објавиме сега. 

Погледнете го поткастот, нашиот гостин е навистина интересен соговорник.