ЗАБРАНЕТО Е СНИМАЊЕ СО ДРОНОВИ: Ова се локациите

Добивај вести на Viber

Забрането е снимање со дронови на повеќе места во Скопје. 

Од полицијата попладнево соопштија дека Агенцијата за цивилно воздухопловство забранува летање на дронови на територијата на Град Скопје, во моменти кога на градскиот плоштад се собираат граѓани на протестен марш поради трагедијата во Кочани во која загинаа 59 млади луѓе. 

Забрането е летање дронови на следните локации:

1. Плоштад „Македонија,

2. Улица „Димитрие Чуповски“,

3. Булевар „11 Октомври пред Собрание на РСМ,

4. Улица „Филип Втори“,

5. Булевар „Гоце Делчев“ до булевар „Илинден“ и

6. Пред Влада на РСМ.

„Неовластеното, некоординирано оперирање на овие воздухоплови не само што го загрозува воздушниот сообраќај, туку може да предизвика сериозни последици по животот и имотот на трети лица на земја. Оперирање со воздухоплови без екипаж во забранети зони е основ за поведување постапка за санкционирање согласно Законот за воздухопловство“, велат од МВР.

Тие апелираат протестите да останат мирни, да се почитуваат одлуките од државните институции и наредбите и насоките од полициските службеници за обезбедување на мирот, безбедноста и сигурноста на сите граѓани.

Претходната недела исто имаше забрана да се користат дронови на повеќе локации додека траеше погребот на жртвите од пожарот во Кочани. 

foto freepik.com/alexeyzhilkin