Добивај вести на Viber
Во Познањ денеска се одржува Самит ЕУ-Западен Балкан, како дел од таканаречениот „Берлински процес“, на кој едно од главните прашања е понатамошната интеграција на регионот во европското семејство.
Предвидено е премиерот Зоран Заев во Познањ да оствари средба со францускиот премиер Едуард Филип, при што двете страни подетално ќе ги разјасант актуелните позиции во врска со проширувањето. На крајот на самитот Заев ќе одржи заедничка прес конференција со полскиот домаќин Матеуш Моравијецки, со бугарскиот премиер Бојко Борисов и со германската канцеларка Ангела Меркел.
Ќе биде одржана конференција за западен Балкан, на која треба да учествува и германската канцеларка Ангела Меркел, на чија иницијатива во 2014 година беше покренат Берлинскиот процес, со цел да се забрза дијалогот и можноста за соработка меѓу земјите од регионот.
Состанокот со Заев на кој главен фокус е отворање на пристапните преговори со ЕУ, е на барање на францускиот премиер. На средбата Заев ќе се обидe да издејствува поддршка од Франција за датум за преговори.
Во меѓувреме се огласи францускиот претседател, Емануел Макрон. кој даде песимистичка изјава дека е категорично против ново проширување на ЕУ сѐ додека не се реформира самата од внатре.