Заев објави шема на злоупотреба: Зошто фиктивни рецепти и кои аптеки издавале лекови за нив

Добивај вести на Viber

Зошто некои доктори пишувале фиктивни рецепти, кои аптеки давале лекови за тие фиктивни рецепти и колку време ова се случува? Овие прашања најверојатно ќе треба да добијат одговор во следниот период. Дека има ваква шема вчера од собраниската говорница објави премиерот Зоран Заев. Тој рече дека доктори издаваат фиктивни рецепти за лекови и тоа е една од причините што снемува лекови кои се покриваат со квота од Фондот. Прашан зошто граѓаните не можат да купат лекови на рецепт во текот на целиот месец, премиерот обелодени дека се прават анализи кои начелно покажале оти има и трговија со лекови. 

– Еден дел на проблемот се јавува кога се издаваат фиктивни рецепти од страна на лекари и истовремено, со добро организирана форма, аптеки, фиктивните рецепти ги примаат и лековите доаѓаат кај луѓе без пари, потоа се тргува со нив во државава и во земји надвор од државава. Тие се незаконски криминални активности, правиме сериозни истраги, ги засиливме мерките на контрола. Во моментот се прави комплетен информатички систем на контрола. Има еден затекнат од времето. Од први септември до први октомври мислам дека ќе го имаме решението. Целта е граѓаните да добијат лек во кој било дел од месецот – рече премиерот Заев.

Рече дека некои од лековите начат и живот но и има и психолошки момент, затоа што граѓаните околу први трупаат лекови за да имаат за цел месец. 

Анализите биле при крај