Добивај вести на Viber
Премиерот Зоран Заев се слушнал со новоизбраниот премиер на Бугарија, Кирил Петков. Во телефонскиот разговор, како што објави самиот, му честитал за изборот, а во објавата на социјалните мрежи пишува дека двајцата се согласиле да продолжат да работат на изнаоѓање прифатливо решение за деблокирање на постапката за почеток на преговорите за членство на Северна Македонија.
„Се согласивме да продолжиме да работиме на изнаоѓање прифатливо решение за деблокирање на постапката за почеток на преговорите за членство на Северна Македонија во ЕУ и за нов позитивен импулс за зајакнување на билатералните односи меѓу нашите две земји, во име на заедничката европска иднина, пишува Заев на Фејсбук.
Додава дека во разговорот изразиле подготвеност да ја забрзаат комуникацијата и соработката низ повеќе работни групи во областите на економијата, културата, здравството, енергетиката, инфраструктурата и други области од интерес на македонските и на бугарските граѓани.