ЗАЕВ ЗА МОЖНОТО ВЕТО: До декември има време

Добивај вести на Viber

Вето од Бугарија е повеќе од извесно, но очекувам крик на пријателство, вели премиерот Зоран Заев. 

Премиерот додава дека до крајот на декември има можност за одржување на прва меѓувладина конференција и дека очекува одговорност и позитивна одлука од нашиот сосед. 

Заев вели дека тој е подготвен, но и го подготвил народот дека е можна блокада. 

„Сепак никогаш не ја губам надежта заради тоа што одговорноста е голема на политичарите. До декември има време, до крајот на декември е можност за прва меѓувладина конференција. Очекувам одговорност, крик на пријателство од бугарската страна. Ако се испрати негативна порака сите знаеме што тоа може да развие, не ни требаат такви работи ни треба пријателство подадена рака, заедно да го чекориме европскиот пат“, рече Заев.

Тој кажа дека ако Бугарија не е задоволна од исполнувањето на договорот за добрососедство ќе има можност да стави блокада и во текот на преговорите. 

Заев е убеден дека со позитивни одлуки се градат пријателски односи, со негативни одлуки градиме горчина.

Шефицата на бугарската дипломатија, Екатерина Захариева денеска изјави дека во оваа фаза  Бугарија не може да каже „да“ за почеток на преговори на Македоинија со ЕУ.

Но, според неа, Бугарија не вели „не“ за членството на нашата земја во ЕУ. 

Таа нагласува дека кај нас државата политика била заснована на омраза кон Бугарија и бугарскиот народ.