Заеви го прошируваат бизнис-портфолиото со транспортна компанија
Објавено во: Економија 14 Март, 2023 08:10
Панче Заев, таткото на поранешниот премиер Зоран Заев, за кратко време стана сопственик на уште една компанија - овој пат како основач на Тотал Коп. Компанијата е регистрирана на почетокот на месецов со дејност товарен патен транспорт.
Седиштето се наоѓа на улица „Гоце Делчев“ во Струмица, а за директор е поставен Александар Марковски. Панче Заев од октомври лани е сопственик на новоформирана компанија за производство на електрична енергија - Солар Грин Енерџи, регистрирана исто така на истата адреса како и Тотал Коп.
Досега за Заеви, барем според претходни медиумски објави, не е познато дека поседувале компанија со товарен патен транспорт, иако семејството има широко портфолио на бизниси кое може да се поврзе со оваа дејност.
Пред неколку години братот на Зоран Заев, Вице Заев, беше обвинет од опозицијата дека наводно негови камиони биле тајно ангажирани за сосема трета компанија за оперативните градежни работи во РЕК Битола, односно за превоз на јаглен со товарни возила кои се со струмички регистерски таблици. Тие камиони, според обвинувањата, биле во сопственост на градежната компанија „Тотал Инжинеринг Струмица“, на што Вице Заев возврати со жесток демант.Изминатиот месец фондацијата „Заев – Едно општество за сите“, испрати големо количество на хуманитарна помош за турските граѓани од регионите погодени од катастрофалниот земјотрес, но за транспортот објави дека е донаторски од страна на „Сакаов транс“ – Струмица.
Освен во прехранбениот сектор, за Заеви познато е дека имаат бизниси во ископот на глина, одгледувањето на канабис за медицински цели, градежниот сектор, малопродажбата и трговија.
А.К.
Можеби ќе ве интересира
ИАКО ИМАШЕ МАНДАТ ОД ЧЕТИРИ ГОДИНИ, ДИРЕКТОРОТ СИ ЗАМИНУВА ПО ДВЕ - зошто поднесе оставка Марио Милер од „Краш“
ГОЛЕМА ПОБЕДА НА ТЕХНОЛОШКИТЕ КОМПАНИИ, ПАМЕТНИТЕ ТЕЛЕФОНИ И КОМЈУТЕРИТЕ ЌЕ БИДАТ ИСКЛУЧЕНИ ОД ЦАРИНИТЕ - ќе влезат и другите електронски уреди
ЗОШТО ЦАРИНИТЕ НА ТРАМП НЕМА ДА ГО ПРИСИЛАТ APPLE НА ПРОИЗВОДСТВО НА IPHONE ВО САД - дали одговорот веќе стигна од американската администрација
КОЈА КОМПАНИЈА СЕ БЛИЖИ ДА СТАНЕ ТРЕТИОТ ЕДНОРОГ ВО РЕГИОНОТ - после Инфобип и Римац, Ominimo Insurance од Србија постигна вредност од 200 милиони евра за една година
КУЌА ОД 90 КВАДРАТИ НА ХАЛКИДИКИ ПОЕВТИНА ОД СТАН ВО БЕЛГРАД - еве која е цената и каква е локацијата
ЗОШТО ТРИЧЛЕНА ПРОСЕЧНА ПОТРОШУВАЧКА КОШНИЧКА - Апасиев вели дека според последниот попис, повеќе од половина од семејствата во земјава се четиричлени
СТАПИЈА НА СИЛА УШТЕ ЕДНИ ЦАРИНИ - како дојде до ескалација на трговската војна меѓу САД и Кина
СЕ ПОБУНИЈА ХРВАТСКИТЕ ГАЗДИ: Силниот и агресивен раст на минималната плата ни претставува сериозен товар
АНАЛИТИЧАР: Неколку шефови на фондови тивко стравуваат дека Трамп можеби нема тарифен план, и се прашуваат дали „можеби е луд“
