Загадено Скопје во топ 5 најзагадени градови во светот
Објавено во: Македонија 29 Јануари, 2018
Скопје повторно се најде на листата на интернет-страницата AirVisual, која ги рангира градовите со најзагаден воздух во светот.
Главниот град денеска на пладне беше на четвртото место во светот според аерозагадувањето, зад Приштина во Косово, Лахоре во Пакистан и Ханџу во Кина.
Мерните станици за квалитет на воздухот вчера измерија огромно загадување на сите мерни станици во Скопје, од 4 до 12 пати над дозволеното. Највисоките концентрации се забележани синоќа во 20 и 21 часот на мерните станици „Лисиче“ – 600 и „Ректорат“ – 530 микрограми на метар кубен ПМ-10 честички.
Во моментов алармантно е загадувањето во Куманово, Тетово, Битола, Кавадарци, а високо загадени се Кичево, Кочани и Велес. Вообичаено Дебар е ниско загаден.
Скопје и претходно беше високо на листата на најзагадени градови во светот.