Замир Мехмети: Кога Османи убедуваше на коалиција победник со победник немаше проблем со ВМРО-ДПМНЕ
Објавено во: Македонија 29 Јануари, 2018
Замир Мехмети, учесникот во Шарената револуција, упати критики на адреса на Бујар Османи за неговиот став изразен кон опозициската ВМРО-ДПМНЕ и обидот да се блокира носењето на Законот за употреба на јазиците.
„Бујар Османи вели дека ВМРО се уште ја нема сменето реторика кон Албанците.
Бујар Османи со месеци не убедуваше дека влада треба да се формира по принципот победник со победник што значеше ВМРО со ДУИ. Тогаш се разбира Бујар немаше никаков проблем со реториката и политиките на ВМРО врз Албанците. Она кога се надеваш дека луѓето имаат кратка меморија“, пишува Мехмети на социјалните мрежи.
ВМРО-ДПМНЕ поднесе над 30 илјади амандмани со кои ќе ја блокира расправата за Законот за употреба на јазиците што Османи го оцени како задржување на истиот однос кон прашањата кои им се важни на албанците во Македонија.