„Земјотрес“ стресе една од зградите на „Адора инжинеринг“

Добивај вести на Viber

Се затресе една од новите згради во Ново Лисиче. Два вибратори со вештачки движења симулираа земјотрес на последниот, десетти кат на една од зградите на „Адора инжинеринг“. Вештачкиот земјотрес имаше јачина од 5,5 степени според европска мерна скала, а целта на симулацијата беше да провери колу се стабилни зградите на оваа компанија се асеизмички и безбедни. Земјотресот го контрололираа вработените во Институтот по земјотресно инженерство на ИЗИИС, а го почуствуваа сите присутни во зградата. Според Ванчо Чифлиганец, генералниот директор на Адора, на овој начин се потврдува безбедноста на станарите во зградите на компанијата. „Како прв човек на компанијата, тврдам дека докажаната асеизмичка стабилност и цврстина на станбените објекти се должи  на употребата на најквалитетни градежни материјали по најсовремените стандарди, на што воопшто не се штеди, со 30 % повеќе железо и голема цврстина на бетон МБ 40. Поради тоа градбите на компанијата со висока геомеханичка стабилност од 100 мегапаскали, можат да издржат и јапонски земјотрес од големи размери, без жртви, на што се гордееме“, се пофали  Чифлиганец кој додаде дека симулацијата не енаправена со цел да се зголеми продажбата на наговите станови, туку за да им се докаже на граѓаните дека се безбедно. Добрите резултати ги потврди и првиот човек на ИЗИИС, Михаил Гаревски. „Добиените резултати и фактот што по повеќето вештачки земјотреси деновиве и денес, не предизвикаа никакви несакани последици, и тоа што тестирањето мина без ниту една пукнатина или оштетување на зградата, е потврда дека зградата издржа голем притисок и е асеизмички стабилна, како и другите станбени објекти на Адора“, изјави Гаревски. Како што претходно соопштијаод компанијата, ваков земјотрес за првпат се изведува во независна Македонија, а самото тестирање се прави по повод 50 години од земјотресот во Скопје.