Жан Митрев го стави во мирување изградбата на најсовремениот радиолошко-онколошки центар во регионот
Објавено во: Македонија 07 Март, 2023
Како резултат на случувањата во последните 8 месеци, Клиника Жан Митрев ја ја информира јавноста дека ја става во мирување изградбата на новиот радиолошко-онколошки центар во Катланово кој требаше да почне со реализација минатата година.
- „Центарот за Радиологија и Онкологија“ е проектирана инвестиција вредна 45 милиони евра, која е планирана со учество на странски партнери. Предвидено е да се гради на локација во месноста Катланово во близина на Скопје каде треба да работат околу 350 медицински лица - доктори и друг медицински персонал. Радиолошко-онколошкиот центар планирано е да биде опремен со најсовремена апаратура за дијагностика и третман на тешко болни пациенти. Исто така, проектиран е и специјален дел наменет за рехабилитација и згрижување на пациентите засегнати од малигни и други заболувања. Со остварување на овој проект ќе се обезбеди врвна медицинска нега и третман за пациентите, известуваат од Клиниката.Од таму очекуваат дека сепак оваа година конечно да започне изградбата на овој проект, за кој сметаат дека е од исклучително значење за Македонија и регионот.