ЗАПОЧНУВА ШОПИНГ ЛУДИЛОТО - Хрватите очекуваат дека ќе го надминат минатогодишниот рекорд

Добивај вести на Viber

Хрватска очекува годинава да ја заврши со солиден раст на БДП, особено ако се споредува со другите земји од ЕУ. Ова според, трговците е позитивно и нема причина за страв од рецесија. Претседателот на Трговското здружение ХГК од Хрватска, Ивица Катавиќ смета дека нема причина да се плаши населението со рецесија или недостиг - секој подобар трговец има свои доверливи добавувачи и нема да се јави недостиг од производи на пазарто. 

А тамошните трговци оваа година уште порано го приближија празникот пред граѓаните. Сјајните излози ги мамат клиентите, паралелно со попустите кои започнуваат со црниот петок, но наводно траат низ цел ноемеври. 

- Само на „црн петок“ трговијата на мало „ожнеа“ 16 проценти повеќе пари отколку во предпандемиската 2019 година, вкупно 439 милиони куни, а во „црната“ недела вртоглави 2,5 милијарди куни, што е дури 29 отсто повеќе отколку во истиот период пред три години, но и за околу 180 милиони куни повеќе отколку во божиќната недела од минатата година. И на крилата на малку повисоките плати, горе-долу во согласност со инфлацијата и пензиите, малку повисоките божиќни бонуси и посебните ослободени од данок награди од работодавачите кои се веќе на сметките на дел од граѓаните, продолжува потрошувачката треска - објавува „24часа“.

Економски аналитичари, футуристи и други познавачи на можностите во трговијата велат дека се уште е рано да се каже на која цифра би можела да застане декемвриската пресметка на Даночната управа, но се согласуваат дека е извесно дека ќе биде повисока од ланските рекордни 17,5 милијарди куни во сите активности.

Хрватската стопанска комора и годинава се држи настрана од предвидувањата. Но, личното мислење од претседателот на Здружението на трговија ХГК и првиот човек на КТЦ „Крижевиќ“, Ивица Катавиќ, потрошувачката за празниците секако ќе бидат повисока, пред се поради инфлацијата, која е присутна во текот на целата година и во октомври беше 13,2, а особено за храна и безалкохолни пијалоци високи 19,7 отсто, пишува тамошните медиуми.