Започнува „тајната“ седница за разрешување на Јанева

Добивај вести на Viber

Денес започнува седницата на собраниската комисија за избори и именувања за разгледување на извештајот на Советот за јавни обвинители кој треба да биде разгледан и прифатен заради разрешување на специјалната обвинитека Катица Јанева, инаку осомничена во аферата „Рекет“.

Шефот на парламентарната комисија за избори и именувања, Илија Димовски, побара состанокот да биде јавен, а извештајот да се декласифицира со цел да се испочитува големиот јавен интерес, но по се изгеда седницата ќе биде зад затворени врати бидејќи материјалот вчера повторно беше оценет како доверлив од страна на Советот за јавни обвинители. За декласифицирање ќе биде потребно да гасаат две третини од 13-те пратеници-членови на комисијата, но тоа е тешко остварливо.

Советот на јавни обвинители не го декласификуваше извештајот со кој се препорачува разрешување на специјалната обвинителка Катица Јанева. Во одговорот на Советот, повикувајќи се на Законот за кривична постапка, се вели дека извештајот треба да се разгледа на состанок зад затворени врати за да не и се наштети на истражната постапка во случајот „Рекет“.

Димовски тврди дека 10-тете страни класифициран извештај на Советот на обвинители, кој се однесува на постапките на Јанева во случајот „Империја“, содржат доволно елементи Комисијата за избори и именувања да заклучи, а потоа да ја разреши Катица Јанева од позицијата шефица на СЈО. Инаку, откако Комисијата за избори и именувања со мнозинство гласови ќе го одобри заклучокот, пред да се свика пленарната седница, Димовски бара консензус меѓу четирите најголеми политички партии во Собранието за предлогот за разрешување на Јанева.  

Неофицијално се дознава дека по гласањето во Собранието со 2/3 од гласовите за разрешување на Јанева од Специјалното обвинителство и по нејзиното враќање како што се предвидува со Закон во Основното јавно обвинителство, Советот на јавни обвинители, врз основа на нејзините постапки во случајот „Империја“ ќе и го одземе мандатот на Јанева, така што таа никогаш повеќе нема да ја врши професијата обвинител.