ЗАШТИТЕТЕ СЕ: Многу сонце и висок УВ индекс
Објавено во: Македонија 02 Август, 2019
За денешниот голем христијански празник и неработен ден, IИлинден, според управата за хидрометеоролошки работи не очекува сончево и многу топло време со слаб до умерен ветер од северозападен правец.
Кон крајот на денот ќе има локална појава на краткотраен пороен дожд и
грмежи.
УВ индексот ќе биде многу високи и ќе изнесува 9.
Дневните температури на воздухот исто така ќе бидат високи и ќе се движат од 29 до 40 степени целзиусови. Најтопло се очекува да биде во југоисточниот дел од земјава.
Во главниот град исто така се очекува сонце и многу топло време со максимални 37 степени.Кон крајот на денот и во сабота ќе има локална појава на пороен дожд и грмежи.
Во сабота особено во северните и источните делови ќе има и услови за изолирана појава на невреме.
За време на викендот ќе дува умерен до засилен северозападен ветер, што ќе услови од недела да има благ пад на температурите.
Поради високите температури и високиот УВ индекс надлежните апелираат до граѓаните да не излегуваат на отворено во периодот од 11 до 17 часот, да носат светла и лесна облека, да се консумира лесна храна и да се пијат течности, повеќе вода.
Додека на хронично болните лица им се препорачува да ја примат редовно својата терапија препишаа од лекар.