Затишје пред клучниот состанок за судбината на нафтата

Добивај вести на Viber

Терминските цени на нафтата паднале, после минатигодшините загуби потпомогнати од податоците за падот на производството на нафта во САД во пресрет на состанокот на земјите произведувачи.

Американската „лесна“ нафта WTI за испорака во мај паднала 18 центи, на 39,54 долари за барел, а сировата нафта „брент“ за јунски испораки за 18 центи на 41,76 долари.

Податоците кои укажуваат на изненадувачки пад на залихите и производството на нафта во САД му пружија поттик на пазарот минатата недела, но и намалување на бројот на дупчења.

Трговците со нафта будно го исчекуваат наредниот извештај за залихите во САД, кој би требало да биде објавен во средата, надевајќи се на понатамошо намалување кое би укажало на забрзување на темпото на побарувачката.

Во фокусот на трговците, е меѓутоа, состанокот во Доха, закажан за 17 април, на кој водечките светски произведувачи на нафта, предводени од Русија и Саудиска Арабија, ќе разговараат за прекумерната понуда на глобалниот пазар која цената на нафтата ја намали за три четвртини од август 2014 година.

„Оваа среда е многу важна, бидејќи ќе разгледуваме дали намалувањето на залихите во САД се само еднократна ставка или тренд“, изјави аналитичарката на сингапурската компанија „CMC Markets“, додавајќи дека нов пад на залихите би им пружил силна поддршка на цените на нафтата.