Затворени фабрики, продавници, градинки: 300.000 Финци штрајкуваат поради најавените реформи
Објавено во: Економија 01 Февруари, 2024
Речиси 300.000 фински работници денеска ќе започнат дводневен штрајк во знак на протест против планираните реформи на десничарската влада на пазарот на трудот и предложените кратења на социјалниот систем. Компаниите и синдикатите рекоа дека штрајковите денеска и утре се очекува да заглават голем дел од воздушниот сообраќај во Финска, да влијаат на производството на рафинеријата за нафта и да затворат многу продавници, фабрики и градинки.
„Планот на владата е непромислен. Прво, правото на штрајк ќе биде строго ограничено, а потоа ќе бидат спроведени остри намалувања“, изјави за Ројтерс Јарко Елоранта, претседател на најголемата финска синдикална асоцијација САК. Во последниве месеци, синдикатите протестираа против владините планови да ги ограничи политичките штрајкови и да го олесни раскинувањето на договорите за работа.
Finnish workers begin strikes against labour reforms, welfare cuts https://t.co/kz2hypZOlv pic.twitter.com/v291hhHJDo
— Reuters (@Reuters) February 1, 2024
Синдикатите рекоа дека се подготвени за долга борба доколку е потребно, заканувајќи се со дополнителни штрајкови доколку владата не отстапи. Сепак, владата, која ја презеде функцијата минатата година, инсистира на тоа дека Финска мора да ја зголеми продуктивноста и да го намали фискалниот долг.
Дури 13 отсто од вработените Финци штрајкуваат
Главното индустриско лоби на ЕК и владата ги критикуваа штрајковите, велејќи дека се потребни реформи за да се донесе финската економија на исто ниво со земјите од групата, како што е соседна Шведска.
„Реформите се неопходни, а синдикатите не понудија никаква алтернатива за да се поправи нашата алармантна економска ситуација“, рече извршниот директор на лобито на ЕК Јири Хакамиес.
Работниците кои штрајкуваат сочинуваат околу 13 отсто од 2,29 милиони луѓе вработени во Финска, според официјалната статистика од 2023 година. Финската национална авиокомпанија Finnair во понеделникот соопшти дека ќе откаже околу 550 летови поради штрајкот, додека филијалата на рафинеријата за гориво на Нестеа во градот Порво ќе испорачува помалку бензин и дизел околу една недела.
Чадорот на синдикатот на високообразовани работници Акава ја повика владата да не ја напушта финската традиција на преговарање.
„По оваа политичка акција, владата сега е принудена да размисли дали синдикатите ќе мора да го продолжат штрајкот и до каде можат да се прошират“, рече портпаролот на Акава, Јирки Кемпаинен.
Фото: Принтскрин/Твитер* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ВОЗАЧИ, ЕВЕ ШТО ТРЕБА ДА ЗНАЕТЕ КОГА УТРЕ ЌЕ ОДИТЕ НА БЕНЗИНСКА - Регулаторна со нови цени на горивата
Еве ги најголемите економски патриоти! Кои се најголемите македонски извозници меѓу котираните компании?
МИЦКОСКИ КАЖА КОГА КОНЕЧНО ЌЕ СЕ ДЕФИНИРААТ УСЛОВИТЕ ЗА УНГАРСКИОТ КРЕДИТ: Еве што најави
ВО СРЕДА ЌЕ ИМА ЈАВНА БЕРЗАНСКА АУКЦИЈА ЗА 9,83 ОТСТО - кој ќе искешира 7,34 милиони евра за акции на „Македонијатурист“
ШТО Е ТОА ШТО ГИ РАЗЛИКУВА „ТЕМУ“, „АЛИЕКСПРЕС“ И „ШЕЈН“: Голема трка за новиот кинески император
БАНКРОТ НА ЕВРОПСКИОТ ГИГАНТ ЗА БАТЕРТИИ: Директорот поднесе оставка откако се тргна надолу
Должник на МЕПСО од Косово пред суспензија од пазарот за електрична енергија
ОВА Е НАЈОМРАЗЕНИОТ ЧОВЕК НА ВОЛСТРИТ: Трамп го номинираше за министер за трговија
