Заврши најдолгата жетва на ориз во последните 30 години
Објавено во: Агробизнис 22 Ноември, 2021
Заврши жетвата на ориз во кочанскиот крај, која оваа година траеше два месеци. Таа почна по 20-ти септември, но поради човечкиот фактор и временските услови, заврши деновиве. Производителите на ориз велат дека ваква жетва немало три децении. Собирањето на оризот од нивите се пролонгираше поради обилните дождови кои во октомври ја зафатија Македонија. Вообичаено, претходните години, жетвата траеше околу месец дена.
„Ваква година досега немало. Имавме долга и тешка жетва. Во октомври се случија дождови поради кои имаше застој во работата. Работна рака нема, аргати сѐ потешко се наоѓаат, и одиме претежно на машинска работа. Дел од селата оризот го собраа викендов“, објаснува Здравко Митев, производител на ориз од селото Чешиново.
Лазо Стојчев од селото Уларци, вели дека последните количини ориз ги собрал во средата.
„Имам 160 декари под ориз, и навистина многу доцна завршивме со жетвата. Времето оваа година не ни се погоди. Имаше дожд, а кога има врнежи прекинуваме со работа. Некаде околу 20 дена имаше прекин на жетвата. Додека целосно не се исушат нивите по дожд, комбајните не влегуваат да жнеат. Временските услови се одразија и на квалитетот на оризот“, додава Стојчев.
Оваа година на 100 килограми арпа имаат од 30, 35, максимум до 40 килограми ориз. Производителите не се задоволни од откупните цени, и велат дека тие треба да бидат едно евро по килограм, за да им се исплати трудот, затоа што и онака се обременети со скапи репроматеријали. Денес во кочанско, ориз се сее во десетина села, а производителите велат дека во времето на Југославија, производството на ориз било многу позастапено.
Ако ги погледнеме статистичките податоци, тие покажуваат дека производството на ориз се намалува. Според податоците на Државниот завод за статистика, во 2019 година се произведени 21.278 тони ориз, а во 2020 година имаме 19.518 тони.
Сања Атанасовска* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
МАКЕДОНИЈА ИЗГУБИЛА ГОЛЕМ ДЕЛ ОД ДОМАШНОТО ПРОИЗВОДСТВО НА ХРАНА – се сади се помалку и помалку
