Завршија градежните работи – „Илинденска“ стана булевар

Добивај вести на Viber

Пуштена во употреба е третата последна делница од булеварот „Илинден“, односно од бензинската пумпа Макпетрол се до улицата Љубљанска. Поселедниот дел кој се реконструираше има должина од 1.5 километар и сега доби четири коловозни ленти широки по 3,5 метри. Истовремено се направени тротоари од двете страни со широчина од 2,5 метра. Градежните работи на овој дел ги изведе „Гранит“, а вкупната инвестиција за третиот дел од„Илинденска“ чини околу 80 милиони денари, пари од буџетот на Град Скопје. Претходно во 2010-та, беше проширен првиот дел од булеварот „Илинден“, од крстосницата со булеварот „Свети Климент Охридски“ до крстосницата со „8.Септември“, во должина од 2. 140 метри. Една година подоцна, заврши проширувањето на втората делница која се протега од булеварот „8.Септември“ до бензинската пумпа на Макпетрол, во должина од 280 метри. Со пуштањето во употреба на третата делница конечно е завршена реконструкцијата на оваа улица, која во цела должина е претворена во булевар.