Жбогар очекува национален консензус и резултат задоволителен за двете страни
Објавено во: Македонија 30 Јануари, 2018
Eвроамбасадорот Самуел Жбогар вели дека само преку дијалог може да се најдат најдобрите решенија и додава дека посетата на медијаторот, Метју Нимиц на Скопје и на Атина е добар индикатор дека може да се дојде до решение.
Евроамбасадорот Жбогар вели дека ЕУ ги поддржува тие средби и контакти, а претстојната посета на Нимиц е добар индикатор дека преговорите може да почнат и дека можат да дадат некој резултат што ќе биде задоволителен за двете страни.
„Како Европска унија ние бевме многу среќни кога видовме дека се одржа средба на политичките лидери на вашата земја минатата сабота за да може да разговараат за ова стратешко прашање. Се надеваме дека ќе може да се изнајде национален консензус по ова прашање“ - рече амбасадорот Жбогар.
Според него активностите изминативе години меѓу двете Влади бил период на загревање.